अल्डरसट । भुटानका अभिनेता सांगे शेल्ट्रिम पछिल्लो समय दक्षिण एसियाली फिल्म क्षेत्रमा छुट्टै पहिचान बनाउँदै गएका छन् । भुटानबाट सुरु भएको उनको अभिनय यात्रा Bollywood हुँदै अहिले नेपालसँग पनि थप नजिकिँदै गएको छ ।
एक समय Bhutanese Army का Captain तथा राजपरिवारको सुरक्षा टोलीमा समेत काम गरेका सांगे अभिनय क्षेत्रमा प्रवेश गरेपछि भने भारत र भुटान दुवैतर्फ आफ्नो उपस्थिति देखाउन सफल भएका छन् ।
उनको फिल्मी यात्राको महत्वपूर्ण मोड Salman Khan अभिनीत ‘Radhe: Your Most Wanted Bhai’ बाट सुरु भयो । सन् २०२१ मा प्रदर्शनमा आएको उक्त फिल्मबाट उनले Bollywood मा डेब्यु गरेका थिए ।
त्यसपछि उनले Shah Rukh Khan अभिनीत ‘Jawan’ मा अभिनय गर्ने अवसर पाए । ‘Jawan’ को व्यापक सफलतासँगै सांगेको परिचय भारतबाहिर पनि थप फैलियो। विशेषगरी नेपाली दर्शकमाझ उनको लोकप्रियता बढाउन ‘Jawan’ महत्वपूर्ण माध्यम बन्यो ।
त्यसपछि उनले The Freelancer, Ruslaan लगायतका Hindi projects मा काम गरे भने दक्षिण भारतीय फिल्ममा समेत आफ्नो उपस्थिति जनाएका छन् । यसरी हेर्दा छोटो समयमै सांगेले भारतीय फिल्म उद्योगका विभिन्न भाषिक र बजारमा आफ्नो स्थान बनाउने प्रयास गरिरहेका छन् ।
तर अब उनको करियरको अर्को महत्वपूर्ण अध्याय नेपालसँग जोडिएको छ । नेपाल, भुटान र भारतको सहकार्यमा निर्माण भएको ‘Tunnel 26: The Curse Beneath the Mountain’ आगामी ९ अक्टोबर २०२६ मा नेपाल र भुटानका सिनेमाघरमा प्रदर्शन हुँदैछ ।
निर्देशक DD Kinley रहेको यो फिल्म disaster-horror thriller का रूपमा प्रस्तुत गरिएको छ। फिल्मको कथा hydropower tunnel भित्र उत्पन्न हुने एउटा भयावह संकट वरिपरि केन्द्रित छ ।
फिल्ममा सांगे शेल्ट्रिमसँगै नेपालका चर्चित कलाकार अनूपविक्रम शाही र आना शर्मालगायत कलाकारको अभिनय रहेको छ ।
फिल्मको अर्को विशेषता यसको वास्तविकतासँग जोडिएको पक्ष हो। निर्माण पक्षका अनुसार फिल्मका केही दृश्य वास्तविक tunnel मै छायांकन गरिएको छ, जसले फिल्मलाई अझ यथार्थपरक बनाउन खोजिएको छ ।
‘Tunnel 26’ को प्रदर्शन नेपालका लागि यस्तो समयमा हुँदैछ, जब देशले पछिल्लो समय बाढी, पहिरो तथा hydropower र tunnel क्षेत्रमा भएका दुर्घटनाका कारण ठूलो मानवीय तथा भौतिक क्षति व्यहोरेको छ । त्यसैले फिल्ममा देखाइने tunnel भित्र फसेका मानिस, उद्धारको संघर्ष, अँध्यारो वातावरण र जीवन बचाउन गरिने प्रयासले नेपाली दर्शकलाई वास्तविक घटनाहरूको सम्झना गराउन सक्छ ।
यही कारणले ‘Tunnel 26’ सामान्य horror फिल्मभन्दा फरक किसिमको emotional connection बनाउन सक्ने अपेक्षा गरिएको छ ।
फिल्मको कथा वास्तविक घटनाबाट प्रेरित भएको बताइएको छ । यद्यपि फिल्मले वास्तविक घटनालाई cinematic horror तथा thriller को स्वरूपमा प्रस्तुत गरेको छ ।
सांगेले भारतीय फिल्म क्षेत्रमा Salman Khan र Shah Rukh Khan जस्ता ठूला कलाकारसँग काम गर्ने अवसर पाइसकेका छन् तर Bollywood जस्तो ठूलो र प्रतिस्पर्धात्मक उद्योगमा विदेशी कलाकारका लागि मुख्य भूमिकामा स्थापित हुनु सहज यात्रा होइन ।
यही अवस्थामा नेपाल सांगेका लागि एउटा फरक सम्भावना भएको बजार बन्न सक्छ ।
भुटान र नेपालबीचको सांस्कृतिक तथा भाषिक निकटता, सांगेको नेपाली भाषाप्रतिको सहजता र नेपाली दर्शकमाझ उनको पहिल्यै बनेको परिचयले उनलाई नेपालमा अन्य विदेशी कलाकारभन्दा फरक स्थान दिन सक्छ ।
विशेषगरी उनले नेपाली भाषामा सञ्चारमाध्यमसँग अन्तर्वार्ता दिन सक्नु र नेपाली दर्शकसँग सहज रूपमा जोडिन सक्नु उनको ठूलो विशेषता बन्न सक्छ ।
‘Tunnel 26’ मा सांगे केवल अभिनेता मात्र होइनन् । उनी फिल्मको निर्माण पक्षसँग पनि जोडिएका छन् ।
उनको आफ्नै Sangay Tsheltrim Films यस परियोजनाको प्रमुख production banners मध्ये एक हो । यसले सांगेको महत्वाकांक्षा अभिनयमा मात्र सीमित नभई फिल्म निर्माणतर्फ पनि विस्तार भइरहेको देखाउँछ ।
नेपालमा आएको पछिल्लो प्राकृतिक विपत्तिपछि सांगेले फिल्मबाट प्राप्त हुने आफ्नो व्यक्तिगत हिस्सामध्ये ५० प्रतिशत, अर्थात् फिल्मको कुल आम्दानीको २५ प्रतिशत बराबर रकम, नेपाल सरकारको प्रधानमन्त्री दैवी प्रकोप उद्धार कोषमा सहयोग गर्ने घोषणा गरेका छन् । यस घोषणाले पनि नेपालमा उनको चर्चा थप बढाएको छ । के सांगेको नेपाली फिल्म बजारका नयाँ cross-border star बन्न सक्छन् ? यो प्रश्नको उत्तर समय र दर्शकको प्रतिक्रियाले दिनेछ तर पनि सांगेसँग केही महत्वपूर्ण आधार भने देखिन्छन् ।
Bollywood मा Salman Khan र Shah Rukh Khan जस्ता कलाकारसँग काम गरिसकेको अनुभव, भारतमा बनेको परिचय, भुटानमा रहेको आफ्नो आधार, नेपाली भाषासँगको सहजता र नेपालसँग प्रत्यक्ष जोडिएको ‘Tunnel 26’ जस्तो ठूलो परियोजना उनका लागि महत्वपूर्ण अवसर हुन् ।
‘Tunnel 26’ ले नेपालमा राम्रो प्रतिक्रिया पायो भने सांगेको नेपाली दर्शकमाझको परिचय अझ बलियो बन्न सक्छ। त्यसपछि नेपालमा निर्माण हुने फिल्महरूमा उनलाई प्रमुख भूमिकाका लागि सोच्ने सम्भावना पनि बढ्न सक्छ ।
नेपालको बजार Bollywood भन्दा सानो भए पनि, नेपाल र भारतको बजारलाई जोडेर काम गर्न सक्ने कलाकारका लागि यो एउटा महत्वपूर्ण क्षेत्र बन्न सक्छ ।
सांगे शेल्ट्रिमले Bollywood मा आफ्नो उपस्थिति बनाइसकेका छन् । भुटानमा उनी पहिल्यै परिचित अनुहार हुन् । अब उनको नजर नेपाली दर्शकमाझ अझ बलियो स्थान बनाउनेतर्फ देखिन्छ ।
त्यसका लागि ‘Tunnel 26’ उनको करियरको महत्वपूर्ण परीक्षा बन्न सक्छ ।
फिल्मको कथा, कलाकारको प्रदर्शन, निर्देशन, प्रचार र दर्शकको word of mouth ले यसको भविष्य निर्धारण गर्नेछ । यदि फिल्मले नेपाली दर्शकको मन जित्न सफल भयो भने, भुटानका सांगे शेल्ट्रिमका लागि नेपाल केवल अर्को फिल्म बजार नभएर उनको दक्षिण एसियाली फिल्म यात्राको महत्वपूर्ण आधार बन्न सक्ने सम्भावना छ ।
आगामी ९ अक्टोबर मा पर्दामा आउने ‘Tunnel 26’ ले केवल tunnel भित्रको भयावह कथा सुनाउनेछैन, यसले सांगे शेल्ट्रिमको फिल्मी यात्रामा नयाँ ढोका खोल्छ कि खोल्दैन भन्ने प्रश्नको उत्तर पनि दिनेछ ।
-Madhukar Gurung
-1790007792.jpg)
![मेरो देश नेपाल [कविता]](https://mail.gurkhamedia.com/uploads/posts/ratna-gurung-1744036920.jpg)
