पोखरा पेन्सन क्याम्पमा भारतीय स्वतन्त्रता दिवस भव्यताका साथ मनाइयो

मातृभूमि नेपाल

Home
मातृभूमि नेपाल
पोखरा पेन्सन क्याम्पमा भारतीय स्वतन्त्रता दिवस भव्यताका साथ मनाइयो

पोखरा पेन्सन क्याम्पमा भारतीय स्वतन्त्रता दिवस भव्यताका साथ मनाइयो

गोर्खा मिडिया संवाददाता शनिबार, साउन ३०, २०८३

पोखरा । पोखरास्थित पेन्सन क्याम्पमा भारतको स्वतन्त्रता दिवसका अवसरमा विशेष समारोह आयोजना गरिएको छ। अगस्ट १५ का दिन ब्रिटिस उपनिवेशबाट भारत स्वतन्त्र भएको ऐतिहासिक उपलब्धिलाई स्मरण गर्दै यहाँ विविध कार्यक्रमहरू सम्पन्न भएका हुन ।

दिवसको उपलक्ष्यमा आयोजित औपचारिक समारोहमा झण्डोत्तोलन गरिँदै भारतको राष्ट्रिय झण्डा फहराइएको थियो। सो क्रममा उपस्थित सबैले स्वतन्त्रता दिवसको गौरवमय क्षणलाई सम्मान प्रकट गरे। कार्यक्रममा स्वतन्त्रता सेनानीहरूको योगदान र बलिदानको चर्चा गर्दै यस ऐतिहासिक दिनको महत्त्वमाथि प्रकाश पारिएको थियो।

औपचारिक समारोहसँगै त्यहाँ विभिन्न कार्यक्रमहरू समेत प्रस्तुत गरिएका थिए। क्याम्प प्रशासनले हरेक वर्ष झैँ यस पटक पनि हर्षोल्लासका साथ यो दिवस मनाइएको जानकारी दिएको छ। समारोहमा भूतपूर्व सैनिक, कर्मचारी र उनीहरूका परिवारजनको उल्लेख्य सहभागिता रहेको थियो ।