क्वोंने गुरुङ समाज यूकेको ११ फेब्रुअरीमा सातौं वार्षिक भेटघाट हुने

कर्मभूमि बेलायत

Home
कर्मभूमि बेलायत
क्वोंने गुरुङ समाज यूकेको ११ फेब्रुअरीमा सातौं वार्षिक भेटघाट हुने

क्वोंने गुरुङ समाज यूकेको ११ फेब्रुअरीमा सातौं वार्षिक भेटघाट हुने

गोर्खा मिडिया संवाददाता बिहीबार, माघ १९, २०७९

लन्डन । क्वोंने (घोताने/घोण्डे) गुरुङ (तमु) समाज यूकेको यही ११ फेब्रुअरी २०२३ मा सातौं भाइखलक तथा चेलीबेटीहरु वार्षिक भेटघाट कार्यक्रम हुने भएको छ ।

नेपालबाट आमन्त्रित चर्चित कलाकारहरुको सांगीतिक प्रस्तुतिसहित अल्डरसटस्थित एम्पायर हलमा वार्षिक भेटघाट हुने क्वोंने (घोताने/घोण्डे) गुरुङ (तमु) समाज यूकेका अध्यक्ष क्या पिताम्बर गुरुङले जानकारी दिए । कार्यक्रम दिउँसो ४ बजे सुरु भई राति ११ बजेसम्म चल्नेछ ।

माघे संक्रान्ति २०७९ को अवसरमा आयोजित कार्यक्रमका नेपालका चर्चित लोकदोहोरी गायिका रुपा घर्तीमगर र यूकेका चर्चित गायिका ममता गुरुङलगायतको प्रस्तुति रहने आयोजकले जनाएको छ । अध्यक्ष गुरुङले कार्यक्रममा सहभागी भइदिन यूकेभरि छरिएर बसेका क्वोंने (घोताने/घोण्डे) गुरुङ (तमु) समाज यूकेका भाइखलकलगायत चेलीबेटी, ज्वाइँहरुमा अनुरोध गरेका छन् ।