लन्डन । सिकलेस पार्चे समाज यूकेको वार्षिक भेला तथा भेटघाट कार्यक्रम भव्यताका साथ सम्पन्न भएको छ । कार्यक्रममा करिब ३५० जना उपस्थित रहेका थिए ।
कार्यक्रमको उद्घाटन समाजका ज्येष्ठ सदस्यबाट गरिएको थियो । विशेष अतिथि गण्डकी प्रदेशका पूर्वजलस्रोत तथा खानेपानीमन्त्री तथा प्रदेशसभा सदस्य वेदबहादुर गुरुङ धर्मपत्नीको साथ कार्यक्रममा सहभागी भए ।
मादी गाउँपालिका–२ ताङतिङका पूर्व वडाध्यक्ष एक्काजंग गुरुङ, तमु धीं यूकेका अध्यक्ष जुमकाजी गुरुङ र धर्मपत्नी, तमु प्येल्हु संघ यूकेका अध्यक्ष क्याप्टेन डेमबहादुर योज तमु र धर्मपत्नी, संस्थाका संरक्षक नन्दजंग गुरुङलगायत अतिथि उपस्थित थिए ।
यस्तै, सहारा यूकेका अध्यक्ष कृष्ण गुरुङ र धर्मपत्नी, गोर्खा मिडियाका प्रमिलन तमु, याङजेकोट समाजका अध्यक्ष वर्तमान गुरुङ र धर्मपत्नी, ताङतिङ समाजका अध्यक्ष तर्कजंग गुरुङ र धर्मपत्नी, काउन्सिलर लक्ष्य गुरुङलगायतको उपस्थिति थियो ।
सिकलेस पार्चे समाज पोखराका संस्थापक आमा समूह अध्यक्ष पदमसोभा गुरुङ र नेपालबाट आएकी कलाकार प्रिया गुरुङ पनि उपस्थित थिए । प्रियाले उनले सांस्कृतिक प्रस्तुति दिएकी थिइन् भने स्थानीय कलाकारहरूले पनि नाचगान प्रस्तुत गरेका थिए । कलाकारको प्रस्तुतिमा सबैले रमाइलो गरेका थिए ।
कार्यक्रममा विभिन्न तहमा ग्र्याजुएसन पूरा गरेका सदस्यहरू र नवविवाहित दम्पतीलाई सम्मान तथा बधाई प्रदान गरिएको थियो ।
