बेलायत निवासी भोज गुरुङले दिए करापु लमजुङ तमु समाज पोखरालाई ११ लाख सहयोग

कर्मभूमि बेलायत

Home
कर्मभूमि बेलायत
बेलायत निवासी भोज गुरुङले दिए करापु लमजुङ तमु समाज पोखरालाई ११ लाख सहयोग

बेलायत निवासी भोज गुरुङले दिए करापु लमजुङ तमु समाज पोखरालाई ११ लाख सहयोग

गोर्खा मिडिया संवाददाता शनिबार, साउन १७, २०८२

लन्डन । बेलायतवासी समाजसेवी भोज गुरुङले करापु लमजुङ तमु समाज पोखराको भवन निर्माणका लागि ११ लाख १ हजार ५०० रुपैयाँ सहयोग गरेका छन् ।

तमुधीं यूकेका कार्यसमिति सदस्यसमेत रहेका गुरुङले दुई चरणमा गरेर उक्त सहयोग रकम समाजलाई प्रदान गरेका हुन् । पोखरा महानगरपालिका-१२ सिंगापुर टोल (हाल-यूके) निवासी भोज गुरुङले शनिबार २ अगस्टमा दोस्रो चरणको सहयोगबापत ५ लाख १ हजार ५०० रुपैयाँ करापु लमजुङ तमु समाज पोखराका अध्यक्षलाई प्रदान गरे । पहिलो चरणको सहयोगसमेत समाजको निर्माणाधीन भवनको सहयोगार्थ भोज गुरुङको सहयोग ११ लाख १ हजार ५०० पुगेको समाजले जनाएको छ ।

भोज गुरुङकै समन्वयमा द्वितीय चरणको सहयोग बापत समाजसेवी नारायणप्रसाद गुरूङद्वारा २ लाख रूपैयाँ र समाजसेवी दिलकुमार गुरूङबाट १ लाख रूपैयाँ रुपैयाँसमेत सहयोग समाजलाई हस्तान्तरण गरिएको छ ।

जीवनको लामो समय समाजसेवामा व्यतित गरेका भोजबहादुरलाई आफ्नै निवासमा करापु लमजुङ तमु समाजले खादा लगाई सम्मानसमेत गरेको थियो । उनी स्वदेश र विदेशका विभिन्न संघ संस्थामा आबद्ध भई निरन्तर सेवामा लागिरहेका छन् ।

'समाज पवित्र मन्दिर हो, सभ्यता र संस्कृतिको केन्द्र हो । हामी सबैको साझा घर चौतारी हो,'सम्मान पछि भोज गुरुङले भने, 'यो विशाल स्वागत तथा सम्मान, आशीर्वाद कार्यक्रमका लागि करापु लमजुङ तमु समाज पोखराका अध्यक्षज्यूलगायत सम्पूर्ण परिवारप्रति मुरी-मुरी धन्यवाद अनि आभार व्यक्त गर्दछु ।

समाजले सहयोगीहरुलाई आभार प्रकट गरेको छ ।

प्रकाशित मिति: शनिबार, साउन १७, २०८२ १४:४०

प्रतिक्रिया दिनुहोस्