लन्डन । तमुधीं यूके र नेपाली दूतावासबीच अगस्ट २४ मा हुने 'नेपाली मेला यूके'बारे छलफल भएको छ ।
शुक्रबार लन्डनस्थित नेपाली दूतावास पुगेर तमुधीं यूके, आमा समूहका वर्तमान र पूर्वपदाधिकारीसहितको टोलीले बेलायतका लागि नेपाली राजदूत चन्द्रप्रसाद घिमिरेसँग छलफल गरेको हो । तमुधीं यूकेका सचिव विमल गुरुङले नेपाली मेलाबारे छलफल भएको जानकारी दिए ।
नेपाली मेला २०२५ का प्रमुख संयोजक तथा तमुधीं यूकेका उपाध्यक्ष कमल गुरुङले नेपाली मेलामा समावेश हुने कार्यक्रमहरु र तयारीबारेमा राजदूत चन्द्रकुमार घिमिरेलगायत दूतावासका कर्मचारीहरुलाई संक्षिप्त जानकारी दिएका थिए ।
संयोजक गुरुङले मेलाको लागि आर्थिक व्यवस्थापन, आपतकालीन स्थिति, अतिथि सत्कार, सुरक्षासम्बन्धी जानकारी, झाँकी प्रतियोगिता, नृत्य प्रतियोगिता, सांस्कृतिक कार्यक्रम, चेतनामूलक कार्यक्रम, खानपिनको व्यवस्थापनलगायत व्यापारिक तथा परोपकारी स्टलहरुको बारेमा पनि प्रस्ट्याएका थिए ।
सोही कार्यक्रममा तमुधीं यूके आमा समूहकी निवर्तमान अध्यक्ष सन्ध्या गुरुङले 'रोधी घरको विशेष' भन्ने सामग्री पावर पोइन्टमा प्रस्तुत गरेकी थिइन् ।
राजदूत घिमिरेले नेपाली मेलाका लागि दूतावास सदैव सकारात्मक रहेको बताएका थिए ।
छलफलमा दूतावासका उपनियोग प्रमुख बिपिन दुवाडी, सैनिक सहचारी महासेनानी अनुप शाहलगायतको उपस्थिति थियो ।
छलफलका लागि तमुधीं यूकेका अध्यक्ष जुमकाजी गुरुङ, संस्थापक अध्यक्ष मिनप्रसाद गुरुङ, निवर्तमान अध्यक्ष हरि गुरुङ, पूर्वअध्यक्ष ज्ञाम गुरुङ, वर्तमान वरिष्ठ उपाध्यक्ष परशु गुरुङ, नेपाली मेला संयोजक तथा उपाध्यक्ष कमल गुरुङ, उपाध्यक्ष दिलमाया गुरूङ, महासचिव डा विशाल गुरुङ, सचिव विमल गुरुङ, कार्यसमिति सदस्य तथा तमुधीं लन्डन ब्रान्च आमा समूह अध्यक्ष देवकला गुरुङ, तमुधीं लन्डन ब्रान्चका उपाध्यक्ष ईश्वर गुरूङ, सल्लाहकार सूर्य गुरूङ, सिरी गुरूङलगायत दूतावास पुगेका थिए ।
यस्तै आमा समूहकी अध्यक्ष कमला देवी गुरुङ, निवर्तमान अध्यक्ष सन्ध्या गुरुङ, पूर्वअध्यक्ष सीता मन्जु गुरुङ, प्रेमा गुरुङ, वर्तमान उपाध्यक्ष नन्दकुमारी गुरुङ, जयन्ती गुरुङलगायत छलफलमा सहभागी थिए ।
नेपाली दूतावास लन्डनको सहकार्य र तमुधीं यूकेको आयोजनामा यस वर्ष १६औँ संस्कर०को नेपाली मेला हुँदैछ । मेला क्याम्पर्टन पार्कमा हुँदै छ ।
नेपाली मेला तयारी भइरहेको कार्यक्रम संयोजक कमल गुरुङले बताए । नेपालका विभिन्न जातजातिको संस्कृति, भेषभूषा र परम्परा चिनारी गराउन हरेक वर्ष तमुधीं यूकेले मेला आयोजना गरिँदै आएको छ ।
मेलामा सांस्कृतिक झाँकी, मौलिक नाचगान, एम्बासडर कप र एनआरएनए कप प्रतियोगिता हुने छन् । विजेता टोलीलाई नगद तथा आकर्षक पुरस्कार दिइनेछ ।
मेलामा ६/७ वटा रेस्टुरेन्टमार्फत नेपाली खानाका परिकार, नेपाली कपडाका स्टल, गहना र अन्य सामग्रीका स्टलहरू साथै नेपाली व्यवसाय प्रवर्द्धनका स्टलहरू रहनेछन् ।
मेलामा कलाकारले प्रस्तुति दिनेछन् भने नेपाल विद्युत् प्राधिकरणका निवर्तमान कार्यकारी निर्देशक कुलमान घिसिङको विशेष उपस्थिति रहने तमुधीं यूकेले जनाएको छ । मेला बिहान १० देखि राति ८ बजेसम्म सञ्चालन हुनेछ । टिकट शुल्क ५ पाउन्ड तय गरिएको छ । तर ८० वर्षभन्दा माथिका ज्येष्ठ नागरिक र अपांगता भएका व्यक्तिहरूलाई निःशुल्क प्रवेशको व्यवस्था गरिने छ ।
संयोजक गुरुङले सबै नेपाली संघसंस्था र समुदायलाई झाँकी तथा मौलिक नाच लिएर सहभागिता जनाउन आग्रह गरेका छन् । मेलाको नारा ‘हाम्रो संस्कृति, हाम्रो पहिचान, हाम्रो गौरव’ तय गरिएको छ । गोर्खा प्यालेसले खाना व्यवस्थापन गर्नेछ ।
![निष्ठुरी दैव [कविता]](https://mail.gurkhamedia.com/uploads/posts/ratna-gurung-1744036920.jpg)
-1753031559.jpg)
![ब्रिगेड अफ गोर्खाज् भेला र नेपाल कप २०२५ सम्पन्न [तस्बिरहरु]](https://mail.gurkhamedia.com/uploads/posts/514783321_724763453672742_4654358564625962024_n-1751782941.jpg)
