तमुधीं यूके आमा समूहले १९ जुलाईमा 'रेस फर लाइफ'मा भाग लिने, साथ दिन अध्यक्ष कमला देवीको अपिल

कर्मभूमि बेलायत

Home
कर्मभूमि बेलायत
तमुधीं यूके आमा समूहले १९ जुलाईमा 'रेस फर लाइफ'मा भाग लिने, साथ दिन अध्यक्ष कमला देवीको अपिल

तमुधीं यूके आमा समूहले १९ जुलाईमा 'रेस फर लाइफ'मा भाग लिने, साथ दिन अध्यक्ष कमला देवीको अपिल

गोर्खा मिडिया संवाददाता बुधबार, असार २५, २०८२

लन्डन । तमुधिं यूके आमा समूहले यस वर्ष पनि जुलाई १९ मा 'रेस फर लाइफ' कार्यक्रममा भाग लिने भएको छ ।

क्यान्सर रिसर्च सेन्टर यूकेको आयोजनामा जुलाई १९ मा गिल्डफोर्ड स्टोक पार्क हुने ५ किमि दौडमा सहभागी हुने तमुधीं यूके आमा समूह अध्यक्ष कमलादेवी गुरुङले जानकारी दिइन् । अध्यक्ष गुरुङले दौडमा साथ दिन बेलायतवासीमा अनुरोध अनुरोधसमेत गरेकी छन् ।

सन् १९९४ मा लन्डनबाट सुरु भएको रेस फर लाइफमा केवल ७५० महिला सहभागी भएका थिए भने हरेक सालमा यो संख्या बढ्दै हाल बेलायतका विभिन्न सहरहरुमा विभिन्न समयमा सम्पन्न हुने गर्दछ । केवल महिलाहरुमात्रै सहभागी हुन पाउने कार्यक्रमले बर्सेनि मिलिएन पाउन्ड संकलन गरी संसारमा व्याप्त २ सय थरीका क्यान्सरबाट पीडित महिला, पुरुष र बाल बालिकाको उपचार र उन्मूलनमा खर्च गर्ने गरिएको अध्यक्ष गुरुङले बताइन् ।

यो प्रेरणादायी र सशक्त कार्यक्रममा तमुधीं यूके आमा समूह हरेक हरेक वर्ष सहभागी हुँदै आएको छ । रेस फर लाइफ कार्यक्रमको उद्देश्य क्यान्सरविरुद्धको लडाइँमा आवश्यक रकम संकलन गर्नु र जनचेतना फैलाउनु रहेको छ ।

प्रकाशित मिति: बुधबार, असार २५, २०८२ १५:०३

प्रतिक्रिया दिनुहोस्