लन्डन । लमजुङ समाज यूकेको वार्षिक ग्रीष्मकालीन भेटघाट कार्यक्रम आउँदो शनिबार, १९ जुलाई २०२५ का दिन हुने भएको छ । भेटघाट कार्यक्रम क्याम्बर्लीस्थित कोलिङवुडमा हुने समाजका वरिष्ठ उपाध्यक्ष तथा कार्यक्रम संयोजक परशु गुरुङले जानकारी दिएका छन् ।
उनका अनुसार कार्यक्रममा विविध खेलकुद प्रतियोगिता, मनोरञ्जनात्मक प्रस्तुति र पारिवारिक मेलमिलापको वातावरण तयार गरिनेछ । उनले कार्यक्रमको तयारी तीव्र रूपमा अघि बढिरहेको पनि जनाए । बाहिरको खेलकुद कार्यक्रम दिउँसो १२ देखि ४ बजेसम्म र मुख्य सांस्कृतिक कार्यक्रम ४ देखि सवा १० बजेसम्म हुने कार्यक्रम संयोजक परशु गुरुङले गोर्खा मिडियालाई जानकारी दिए ।
कार्यक्रममा पुरुष फुटबल, महिला भलिबल, अग्रज महिलाहरूका लागि रमाइलो खेल, बालबालिकाका लागि बाउन्सी क्यासल तथा अन्य मनोरञ्जनका साधनहरू व्यवस्था गरिने छ । यसका साथै स्थानीय कलाकारहरूको आकर्षक नृत्य प्रस्तुतिसँगै नेपालबाट आमन्त्रित चर्चित कलाकारहरूले पनि प्रस्तुति दिनेछन् ।
कार्यक्रममा आकर्षक पुरस्कारसहितको भाग्यशाली चिट्ठा, परिकार सहितको खाना तथा बिबिक्यूको विशेष व्यवस्था पनि गरिने आयोजकहरूले जनाएका छन् । लमजुङको सांस्कृतिक पहिचान झल्काउने “ठाडो भाका” र परम्परागत “बाह्रमासे घाँटु” नाच कार्यक्रमको विशेष आकर्षण हुने बताइएको छ ।
कार्यक्रममा लमजुङवासी सम्पूर्ण परिवार, अग्रज बाबाआमादेखि चेली–ज्वाइँ, भान्जा–भान्जी सबैलाई सहभागी हुन आयोजकले निमन्त्रणा गरेको छ ।
-1751296519.jpg)
-1751094164.jpg)
![समान पेन्सनलगायत भूतपूर्व गोर्खाका मागबारे बेलायत सरकारसँग वार्ता [विज्ञप्तिसहित]](https://mail.gurkhamedia.com/uploads/posts/Gurkha-1749798892.jpg)
![विप्लव कार्की बने मिस्टर यूके नेपाल [तस्बिरहरू]](https://mail.gurkhamedia.com/uploads/posts/body-building-1750731624.jpg)
![बेलायतको फार्नबोरोस्थित गोर्खा भवनमा ‘इजी फार्मेसी’ सञ्चालन [भिडियोसहित]](https://mail.gurkhamedia.com/uploads/posts/509936126_1076564984628369_8443309087281955158_n-1750619002.jpg)
-1750342368.png)
