सिरुबारी प्रथम पर्यटकीय गाउँ यूकेको अध्यक्षमा डेबिड गुरुङ चयन

कर्मभूमि बेलायत

Home
कर्मभूमि बेलायत
सिरुबारी प्रथम पर्यटकीय गाउँ यूकेको अध्यक्षमा डेबिड गुरुङ चयन

सिरुबारी प्रथम पर्यटकीय गाउँ यूकेको अध्यक्षमा डेबिड गुरुङ चयन

गोर्खा मिडिया संवाददाता सोमबार, असार १६, २०८२

लन्डन । सिरुबारी प्रथम पर्यटकीय गाउँ यूकेको अध्यक्षमा डेबिड गुरुङ चयन भएका छन् ।

आइतबार २९ जून २०२५ मा साउथ इस्ट लन्डनको प्लमस्टिडमा सम्पन्न सिरुबारी गाउँको वार्षिक भेलाले भेला डेबिटको नेतृत्वमा कार्यसमिति चयन गरेको हो । यस्तै नवराज गुरुङ उपाध्यक्ष र धनबहादुर गुरुङ सचिव पदमा चयन भए ।

कार्यक्रममा सिरुबारी गाउँका जगदीश गुरुङ सोंपाल समाज यूकेको अध्यक्ष,डेबिड गुरुङ एनआरएनए यूकेको प्रमुख संरक्षक र विजयबहादुर गुरुङ एनआरएनए यूकेको आईसीसी सदस्य भएकोमा सिरुबारी गाउँद्वारा फेटा र खादा लगाइदिएर सम्मान गरिएको थियो ।

भेलामा एक अर्कासँग भलाकुसारी गर्दै घरगाउँको संस्कार र रीतिथितिहरू जगेर्ना गर्न साथै परदेशमा बस्दा भावीपुस्तालाई हस्तान्तरण गर्ने विभिन्न संस्कारित कुरालगायत आफ्नो पुर्ख्यौली गाउँठाउँ र त्यस भेगलाई कसरी माथि उठाउन सकिन्छ जस्ता कुराहरूमा छलफल भएको थियो ।

आसारको १५ को दिनमा भएको भेलामा संख्यात्मक हिसाबले सहभागिता कम भए तापनि सबैजनाले दिलोज्यानले छलफलमा भाग लिएको आयोजकले जनाएको छ । सिरुबारीको क्या.मोहन गुरुङ र सुवर्ण गुरुङको सहजीकरणमा सञ्चालन भएको भेलामा विभिन्न ठाउँबाट सिरुबारीवासीहरू सहभागी भएका थिए ।

511039171_1754478962153383_4341215407023493187_n-1751273902.jpg
509376170_752465024011318_388867897505881271_n-1751273901.jpg