आगामी अगस्ट ३० मा पाँचथर समाज सेवा यूकेको १६ औं वार्षिक भेला तथा सम्मान कार्यक्रम

कर्मभूमि बेलायत

Home
कर्मभूमि बेलायत
आगामी अगस्ट ३० मा पाँचथर समाज सेवा यूकेको १६ औं वार्षिक भेला तथा सम्मान कार्यक्रम

आगामी अगस्ट ३० मा पाँचथर समाज सेवा यूकेको १६ औं वार्षिक भेला तथा सम्मान कार्यक्रम

गोर्खा मिडिया संवाददाता बिहीबार, जेठ २९, २०८२

लन्डन । पाँचथर समाज सेवा यूकेको १६ औं वार्षिक भेला तथा सम्मान कार्यक्रम आगामी ३० अगस्ट २०२५ मा हुने भएको छ । फार्नबोरोस्थित ग्रेन्ज स्कुलमा ३० अगस्टमा वार्षिक भेला तथा सम्मान कार्यक्रम आयोजना गरिने पाँचथर समाज सेवा यूकेकी अध्यक्ष शान्ति लिम्बुले जानकारी दिइन् ।

भेलाको अवसरमा बेलायतमा रहेका पाँचथरवासीले शिक्षा, साहित्य, खेलकुद, सामाजिक कार्य, कुनै पनि पेसा/व्यवसायमा वर्षभरिमा प्राप्त उपलब्धिका आधारमा सम्मान गरिने उनले बताइन् । यस्तै उत्कृष्ट अंक ल्याएर सफल भएका समाजका विद्यार्थीलाई शैक्षिक सम्मान गरिने छ । अध्यक्ष लिम्बुले पाँचथरसँग गाँसिएका सम्पूर्ण नेपाली समुदायलाई एक आपसमा भेटघाट गराएर सम्बन्ध कायम राख्न भेला आयोजनाको मुख्य उद्देश्य रहेको बताइन् । 'वार्षिक भेला मनाउनुको मुख्य उद्देश्य वार्षिकोत्सव हो । पाँचथरसँग गाँसिएका सम्पूर्ण नेपाली समुदायलाई एक आपसमा भेटघाट गराएर सम्बन्ध कायम राख्न यो भेला प्रत्येक वर्ष गरिन्छ ।'

कार्यक्रमका लागि बेलायतमा रहेका विभिन्न संघ संस्थालाई निमन्त्रणा गरिने उनले बताइन् । पाँचथरवासी, बेलायतका विभिन्न संघ संस्थासहित सम्पूर्ण नेपालीबीच भेटघाट गरेर शुभकामना आदानप्रदान र भलाकुसारी गराउनकै लागि पाँचथर समाज सेवा यूकेले हरेक वर्ष वार्षिक भेला गर्दै आएको उनको भनाइ छ । अध्यक्ष लिम्बुले भेलामा सबै खालका मान्छे परिवारसहित आउने भएकोले यो पारिवारिक जमघटको अवसर हुने गरेको विश्वास व्यक्त गरिन् ।

प्रकाशित मिति: बिहीबार, जेठ २९, २०८२ १२:३८

प्रतिक्रिया दिनुहोस्