लन्डन । लमजुङ समाज यूकेको अध्यक्षमा पूर्णराज गुरुङ र आमा समूह अध्यक्षमा तारा गुरुङ निर्विरोध निर्वाचित भएका छन् ।
शनिबार ५ अप्रिल २०२५ मा अल्डरसटस्थित डि लाउन्ज रेस्टुरेन्ट एन्ड कक्टेल बारमा भएको लमजुङ समाज यूकेको १८ औं वार्षिक साधारणसभा तथा ७ औं महाधिवेशनबाट पूर्णराजको नेतृत्वमा नयाँ कार्यसमिति चयन भएको हो । कार्यक्रम संस्थापक अध्यक्ष चन्द्रप्रसाद गुरुङ, अध्यक्ष दलबहादुर गुरुङ र आमा समूह अध्यक्ष माला घलेले बत्ती बालेर उद्घाटन गरेका थिए ।
साधारणसभा सम्पन्न भएपछि लमजुङ समाज यूकेको सातौं कार्यसमिति सबै निर्विरोध चयन भएको घोषणा गरिएको थियो । नयाँ कार्यसमिति अध्यक्षमा पूर्णराज, उपाध्यक्षमा परशु गुरुङ, कुमार गुरुङ र माला घले, महाचिवमा कृष्णराज गुरुङ, सहसचिवमा अनुप गुरुङ र कोषाध्यक्षमा उमरजंग गुरुङ र सहकोषाध्यक्षमा गणेश गुरुङ निर्विरोध निर्वाचित भएको निर्वाचन समितिले जनाएको छ ।
यसैगरी आमा समूह अध्यक्षमा तारा गुरुङ, उपाध्यक्षमा लक्ष्मी गुरुङ र मनिता गुरुङ चयन भएका छन् । निर्वाचन समितिको प्रमुख आयुक्तमा समाजका पूर्वअध्यक्ष विश्वजंग गुरुङ रहेका थिए । कार्यक्रम सञ्चालन महासचिव कुमार गुरुङले गरेका थिए ।
अधिवेशनबाट नवनिर्वाचित पूर्णराज गुरुङले आफू र आफ्नो टिमलाई निर्विरोध चयन गरेकोमा सबैलाई धन्यवाद दिँदै सबैको सल्लाह, सुझावअनुसार समाजलाई अगाडि बढाउने प्रतिबद्धता व्यक्त गरे ।
यस्तै अन्त्यमा अध्यक्ष दलबहादुर गुरुङले अधिवेशन सफल भएकोमा सबै सहभागीलाई धन्यवाद दिँदै नयाँ कार्यसमितिलाई बधाई अनि आफू नेतृत्वको कार्यसमितिलाई सहयोग गरेकोमा सबैलाई धन्यवाद दिएका थिए ।
-1741516247.jpg)
![युरोपियन कोर्टमा समान पेन्सनको मुद्दा लिगल्ली हारे पनि वार्ताका लागि सहज भएको छ: मे. रि. टिकेन्द्र दल देवान जेपी [अन्तर्वार्ता]](https://mail.gurkhamedia.com/uploads/posts/collage-(1)-1743340752.jpg)
