लन्डन । तमुधिं लन्डन इकाईको च्यारिटी डिनर नाइट सम्पन्न भएको छ । लन्डन ग्रीनफोर्ड टाउन हलमा शनिबार साँझ हाउजिङ प्रोजेक्टका लागि कोष जुटाउन च्यारिटी डिनर आयोजना गरिएको हो । च्यारिटी इभेन्टमा कयौं संघसंस्था र व्यक्तिले सहयोगको प्रतिबद्धता व्यक्त गरेको आयोजकले जनाएका छन् ।
प्रमुख अतिथि तमुधिं यूके अध्यक्ष जुमकाजी गुरुङले हाउजिङ प्रोजेक्टका लागि १ हजार १ पाउण्ड दिने घोषणा पनि गरे । संस्थापक अध्यक्ष मीनप्रसाद गुरुङले परियोजनाका लागि १ हजार १ सय पाउण्ड सहयोग दिने घोषणा गरे ।
इकाई प्रमुख सल्लाहकार काउन्सिलर लक्ष गुरुङले सबैलाई दिल खोलेर दान गर्न अपिल गरे ।
एनआरएनए आईसीसी उपाध्यक्ष थर्क सेनले नेपाली जनसंख्या बढिरहेका बेला इकाईको हाउजिङ प्रोजेक्ट अत्यावश्यक भएको बताए । सेनले पनि एक हजार पाउण्ड सहयोगको प्रतिबद्धता गरेका छन् ।
इकाइ अध्यक्ष भरत गुरुङले दाताहरु र सहभागी सबैप्रति आभार व्यक्त गरे । तमुधिं लन्डन इकाई स्थापनाको १८ वर्ष पुग्दा आफ्नै कार्यकालमा हाउजिङ परियोजना परिकल्पना गरिएको उल्लेख गर्दै उनले पहिलो डोनरका रुपमा कमिटीलाई एक हजार पाउण्ड प्रदान गरे ।
एनआरएनए यूके अध्यक्ष प्रेम गाहामगरले आफ्नो कार्यसमितिलाई सम्मान गरेकामा धन्यवाद दिंदै इकाईप्रति ऋणी भएको बताए । उनले संघको तर्फबाट प्रोजेक्टका लागि एक हजार पाउण्ड दिने घोषणा गरे ।
तमुधिं लन्डन इकाईका पूर्वअध्यक्ष एवं ट्रष्टी डेभिड गुरुङले आफ्नै घर बिना तमुधिं लन्डनको अस्तित्व पनि नहुने भएकाले यो प्रोजेक्ट जरुरी भएको बताए । गुरुङले सबैसँग हातेमालो गरेर अगाडि बढ्न पनि सुझाए ।
स्वागत मन्तव्यका क्रममा वरिष्ठ उपाध्यक्ष एवं कार्यक्रम संयोजक ईश्वर गुरुङले कार्यक्रम उद्देश्यबारे प्रकाश पार्दै सहभागी सबैप्रति आभार व्यक्त गरे । इकाई महासचिव विशाल गुरुङ (रक)ले सञ्चालन गरेको उक्त कार्यक्रममा काउन्सिलर विष्णु गुरुङ, तमुधिं लन्डन इकाइ आमा अध्यक्ष देवकला गुरुङ लगायतले पनि शुभकामना दिएका थिए ।
तमुधिं यूके महासचिव डा. विशाल गुरुङले परियोजनाका लागि आमा समूहको तर्फबाट ५११ पाउण्डसहित संस्था र व्यक्तिगत गरी कुल ३ हजार ५९ पाउण्ड सहयोग गरिएको बताए । सहारा यूके अध्यक्ष कृष्ण गुरुङले संस्थाको तर्फबाट ८०० पाउण्ड नगद प्रदान गरे ।
हाउजिङ कमिटीमा खुशीमान गुरुङ, ले. रि नारायणप्रसाद गुरुङ, क्या. रि. प्रेमबहादुर गुरुङ, दिलमाया गुरुङ, काउन्सिलर लक्ष गुरुङ, देवकला गुरुङ, इश्वर गुरुङ, भरत गुरुङ र विष्णु गुरुङ छन् ।
इकाईले तमुधिं यूके १३ औं कार्यसमितिका अध्यक्ष जुमकाजी गुरुङ, वरिष्ठ उपाध्यक्ष परशु गुरुङ, उपाध्यक्ष कमल कोने गुरुङ, महासचिव डा. विशाल गुरुङ लगायत कार्यसमिति र एनआरएनए यूके नवनिर्वाचित टिमलाई सम्मान गरेको थियो । इकाईले कलाकारहरु र दाताहरुलाई पनि सम्मान गरेको छ ।
तस्बिर : शिव भण्डारी
![युरोपियन कोर्टमा समान पेन्सनको मुद्दा लिगल्ली हारे पनि वार्ताका लागि सहज भएको छ: मे. रि. टिकेन्द्र दल देवान जेपी [अन्तर्वार्ता]](https://mail.gurkhamedia.com/uploads/posts/collage-(1)-1743340752.jpg)
-1743171639.jpg)
-1741516247.jpg)
