लन्डन । तमु धीं यूकेले बेलायतका लागि नवनियुक्त नेपाली राजदूत चन्द्रकुमार घिमिरेलाई स्वागत तथा सम्मान गरेको छ ।
मिचेटस्थित तमु धीं भवनमा ७ मार्च २०२५ मा एक कार्यक्रमबीच राजदूत घिमिरेलाई स्वागत गरिएको हो । कार्यक्रम राजदूत घिमिरे, अध्यक्ष जुमकाजी गुरुङ, संस्थापक अध्यक्ष मिनप्रसाद गुरुङ र आमा समूह अध्यक्ष कमलादेवी गुरुङले पानसमा बत्ती बालेर उद्घाटन गरेका थिए ।
कार्यक्रममा अध्यक्ष जुमकाजी गुरुङले राजदूत घिमिरेलाई फेटा र खादाले सम्मान गरेका थिए भने राजदूत पत्नी सरितालाई आमा समूह अध्यक्ष कमलादेवी गुरुङले पछ्यौरा र बुकीसहित सम्मान गरिन् । त्यस अवसरमा उपनियोग प्रमुख विपिन दुवाडी, सैनिक सहचारी महासेनानी अनुप शाह,उनकी पत्नी, प्रथम सचिव उद्धव न्यौपाने, द्वितीय सचिव मिनकुमार राई र उनकी पत्नी, तृतीय सचिव झुपलाल पुन र उनकी पत्नीलगायतलाई पनि फेटा, पछ्यौरा, खादा र बुकीसहित अध्यक्ष जुमकाजी र आमा समूह अध्यक्ष कमलादेवीले स्वागत, सम्मान गरेका थिए ।
कार्यक्रमलाई सम्बोधन गर्दै तमु धीं यूकेले नेपालमा भूकम्प, कोभिड-१९, अन्य बाढीपहिरो, शिक्षा, स्वास्थ्य लगायत क्षेत्रमा गरेको कार्य अन्य संस्थाका लागि चुनौतीपूर्ण रहेको बताए । तमु धीं यूकेले सहयोग र योगदानको बार निकै अग्लो गराएकोले अन्य संघसंस्थालाई चुनौतीपूर्ण रहेको प्रस्ट पार्दै राजदूत घिमिरेले त्यसलाई कम हुन नदिन आग्रह गरे ।
बेलायतवासी नेपाली नेपाल र नेपालीप्रति निष्ठावानका साथै अनुशासित रहेको भन्दै उनले त्यो नेपालीको मानक भएकोले खुसी व्यक्त गरे । राजदूतावासको टिमले तमु धीं यूकेसँग निरन्तर काम गर्ने भन्दै सम्भावना भएका ठाउँमा निरन्तर सहकार्य गर्ने उनले प्रतिबद्धता जनाए ।
अध्यक्ष जुमकाजी गुरुङले समय मिलाएर तमु धीं भवनमा उपस्थित भइदिएकोमा राजदूत घिमिरेसहित दूतावास परिवारप्रति आभार व्यक्त गरे । तमु धीं यूके र नेपाली दूतावास लन्डनबीच नङ र मासु जस्तै सम्बन्ध रहेको उल्लेख गर्दै अध्यक्ष गुरुङले भावी दिनमा सम्बन्ध कायम रहनेमा विश्वास व्यक्त गरे । उनले राजदूत घिमिरेलाई ४ वर्षे कार्यकाल सफलताको शुभकामना पनि दिए । यस्तै एनआरएनए यूकेका अध्यक्ष तथा तमु धीं यूकेका पूर्वअध्यक्ष हित काजी गुरुङ, संस्थापक अध्यक्ष मिनप्रसाद गुरुङ लगायतले मन्तव्य राखेका थिए ।
अध्यक्ष जुमकाजी गुरुङको अध्यक्षतामा भएको कार्यक्रम महासचिव डा. विशाल गुरुङले सञ्चालन गरेका थिए । कार्यक्रममा तमु धीं यूकेका पूर्वअध्यक्ष, संस्थापक अध्यक्ष, निवर्तमान अध्यक्ष, पदाधिकारी, सदस्य, आमा समूह अध्यक्ष कमलादेवी गुरुङ, निवर्तमान अध्यक्ष, पूर्वअध्यक्ष, कार्यसमिति पदाधिकारी तथा सदस्यहरु, ट्रस्टिज, सल्लाहकार, आजीवन सदस्यहरु, एनआरएनए यूकेका अध्यक्ष, सहारा यूकेका अध्यक्ष, लमजुङ समाजका अध्यक्ष, तमु फोरम यूकेका निर्देशक,कोल्मा बहाकोट समाज यूकेका अध्यक्ष, को बाक्लो उपस्थिति थियो ।
जिम्मेवारी सम्हाल्न राजदूत घिमिरे गत १७ जनवरी २०२५ मा बेलायत आएका हुन् ।
![युरोपियन कोर्टमा समान पेन्सनको मुद्दा लिगल्ली हारे पनि वार्ताका लागि सहज भएको छ: मे. रि. टिकेन्द्र दल देवान जेपी [अन्तर्वार्ता]](https://mail.gurkhamedia.com/uploads/posts/collage-(1)-1743340752.jpg)
-1743171639.jpg)
-1741516247.jpg)
