ईलमपोखरी समाज यूकेको ल्होछार उत्सव २१ डिसेम्बरमा

कर्मभूमि बेलायत

Home
कर्मभूमि बेलायत
ईलमपोखरी समाज यूकेको ल्होछार उत्सव २१ डिसेम्बरमा

ईलमपोखरी समाज यूकेको ल्होछार उत्सव २१ डिसेम्बरमा

गोर्खा मिडिया संवाददाता शुक्रबार, मंसिर १४, २०८१

लन्डन । ईलमपोखरी समाज यूकेले आगामी २१ डिसेम्बरमा ल्होछार उत्सव गर्ने भएको छ ।

समाजले सदाझैँ यस वर्ष पनि विभिन्न सांगीतिक तथा सांस्कृतिक प्रस्तुतिसहित भव्य रूपमा मुप्री ल्होछारको बिदाइ तथा सप्री ल्होछार आगमनको स्वागतार्थ कार्यक्रम गर्न लागेको हो । कार्यक्रम सामुएल कोडी स्फर्ट्स कलेज फार्नबोरोमा दिउँसो साढे १ बजे सुरु हुनेछ ।

सो अवसरमा नेपालबाट आएका चर्चित लोकदोहोरी गायिका रेजिना परियारका साथमा स्थानीय कलाकारको बेजोड प्रस्तुति रहनेछ । तमुहरूको परम्परागत संस्कृती झल्काउने पूर्वी लमजुङमा अति लोकप्रिय सोरठी नृत्यसँगै राफल ड्रसमेत हुनेछ ।

कार्यक्रममा समाजका सम्पूर्ण परिवार, चेलीज्वाँई भाञ्जाभाञ्जी र अन्य ईष्टमित्रहरूलाई उपस्थित भएर सफल बनाइदिन अध्यक्ष परशु गुरुङले अनुरोध गरेका छन् ।

टिकटदर एडल्टका लागि २२ पाउन्ड र ६ देखि १२ वर्षसम्मका बालबालिकाका लागि १५ पाउन्ड तोकिएको छ ।

प्रकाशित मिति: शुक्रबार, मंसिर १४, २०८१ १८:३९

प्रतिक्रिया दिनुहोस्