नेपाल निर्वाचन : प्रत्यक्षतर्फ प्रतिनिधिसभामा ४ जना गुरुङ निर्वाचित

मातृभूमि नेपाल

Home
मातृभूमि नेपाल
नेपाल निर्वाचन : प्रत्यक्षतर्फ प्रतिनिधिसभामा ४ जना गुरुङ निर्वाचित

नेपाल निर्वाचन : प्रत्यक्षतर्फ प्रतिनिधिसभामा ४ जना गुरुङ निर्वाचित

गोर्खा मिडिया संवाददाता मंगलबार, मंसिर १३, २०७९

काठमाडौं । प्रतिनिधि तथा प्रदेशसभा सदस्य निर्वाचन २०७९ अन्तर्गत विभिन्न दलहरुबाट प्रत्यक्षतर्फ प्रतिनिधिसभा ४ जना गुरुङ निर्वाचित भएका छन् ।

जारी मतगणनाअनुसार सार्वजनिक परिणाम अनुसार नेपाली कांग्रेसबाट २ र नेकपा एमालेबाट २ जना निर्वाचित भएका हुन् । जसमा १ महिला र ३ पुरुष रहेका छन् ।

तेह्रथुम-१ मा कांग्रेसबाट सीता गुरुङ र मनाङ-१ बाट टेकबहादुर गुरुङ विजयी बनेका छन् । यस्तै एमालेबाट मनबहादुर गुरुङ कास्की-१ मा र पृथ्‍वीसुब्बा गुरुङ लमजुङबाट प्रतिनिधिसभामा निर्वाचित भएको निर्वाचन आयोगको तथ्यांकमा उल्लेख छ ।

१६५ निर्वाचन क्षेत्रमध्ये १५९ क्षेत्रको मत परिणाम सार्वजनिक भइसकेको छ । तीन क्षेत्रमा मतगणना जारी छ । बाजुरा, दोलखा र स्याङ्जा-२ को गणना नै सुरु भएको छैन । दोलखाका १० वटा केन्द्रमा पुन: मतदान हुने भएको छ । स्याङ्जामा कांग्रेसबाट धनराज गुरुङ उम्मेदवार छन् ।

प्रकाशित मिति: मंगलबार, मंसिर १३, २०७९ १०:५०

प्रतिक्रिया दिनुहोस्