बर्न्टओक नेपाली समाजले जुन १५ मा २०औँ वार्षिकोत्सव मनाउने

कर्मभूमि बेलायत

Home
कर्मभूमि बेलायत
बर्न्टओक नेपाली समाजले जुन १५ मा २०औँ वार्षिकोत्सव मनाउने

बर्न्टओक नेपाली समाजले जुन १५ मा २०औँ वार्षिकोत्सव मनाउने

गोर्खा मिडिया संवाददाता बिहीबार, चैत ८, २०८०

लन्डन – लन्डनस्थित बर्न्टओक नेपाली समाजले स्थापनाको २०औं वार्षिकोत्सव भव्य रूपमा मनाउने भएको छ ।

समाजका अध्यक्ष खमिरजंग गुरुङको अध्यक्षतामा सम्पन्न बैठकले आगामी जुन १५ मा एजवेयरस्थित सेन्ट अल्फाज चर्च हलमा वार्षिकोत्सव मनाउने निर्णय गरेको हो । वार्षिकोत्सव समारोहमा विशिष्ट अतिथिलाई पनि आमन्त्रण गरिने जनाइएको छ।

बैठकमा वरिष्ठ चार्टर्ड एकाउन्टेन्ट कृष्ण कार्कीले संस्थालाई कम्पनी हाउसमा दर्ता गर्ने सम्बन्धमा भइरहेको प्रगतिबारे जानकारी गराएका थिए ।

त्यस्तै लन्डन बरो अफ बार्नेटका काउन्सिलर कमल गुरुङले समाजका लागि आफ्नै भवन प्राप्त गर्न भइरहेको प्रयासबारे जानकारी गराएका थिए ।

सहायक महासचिव प्रेम कँडेलले सञ्चालन गरेको बैठकको अन्त्यमा अध्यक्ष खमिरजङ गुरुङले उपाध्यक्ष मुरारी थापालगायत सहभागी सबैलाई धन्यवाद दिएका थिए।

समाजले दशैँ, तिहार, तीजजस्ता चाडपर्वका अवसरमा विभिन्न कार्यक्रम आयोजना गर्ने गरेको छ ।

युवा, महिला, बालबालिकासहित आफ्ना सदस्यका लागि पनि कार्यक्रम सञ्चालन गर्दै आएको समाजको स्थापना सन् २००४ मा भएको हो ।

प्रकाशित मिति: बिहीबार, चैत ८, २०८० २२:१६

प्रतिक्रिया दिनुहोस्