बेलायतको अल्डरसडमा मदनकृष्ण र हरिवंशको बेजोड प्रस्तुति, एम्पायर हल खचाखच

मनोरञ्जन

Home
मनोरञ्जन
बेलायतको अल्डरसडमा मदनकृष्ण र हरिवंशको बेजोड प्रस्तुति, एम्पायर हल खचाखच

बेलायतको अल्डरसडमा मदनकृष्ण र हरिवंशको बेजोड प्रस्तुति, एम्पायर हल खचाखच

तस्बिर : गोर्खा मिडिया

अल्डरसट । वरिष्ठ कलाकारहरु मदनकृष्ण श्रेष्ठ तथा हरिवंश आचार्य (महजोडी) ले आइतबार अल्डरसटमा प्रस्तुति दिएका छन् ।

‘मह जोडी टुर २०२३’ सिलसिलामा बेलायत आइपुगेका महजोडीले एम्पायर हलमा खचाखच दर्शकमाझ नेपालमा बढ्दै गएको भ्रष्टाचार र बेथितविरुद्ध चोटिलो प्रस्तुति दिए । उनीहरुले कमेडी तथा प्रहसन प्रस्तुत गरेका थिए भने दुवै जनाले आ-आफ्ना चर्चित गीतहरु गाएका थिए ।

कार्यक्रममा कलाकारहरु शर्मिला बर्देवा, यमन श्रेष्ठ, सराना श्रेष्ठ र द भ्वाइस अफ नेपाल विजेता करण राईले आ-आफ्नो बेजोड प्रस्तुति पस्केका थिए ।

गोर्खा सेन्टरको सीईओ तथा संस्थापक भिम तामाङको अध्यक्षतामा भएको औपोचारिक कार्यक्रम संचारकर्मी बिमला सेनेले संचालन गरेकी थिइन् । प्रमुख अतिथिमा नेपाली राजदूतावास लन्डनका उपनियोग प्रमुख रोशन खनाल थिइन् । विशेष अतिथिमा मिडवे काउन्सिलका मेयर निना गुरुङ सहभागी थिइन् ।

कार्यक्रम आयोजक द गोर्खा सेन्टरका संस्थापक तथा सीईओ भिम तामाङले दर्शकहरुको न्यानो माया र सहभागिताबाट आफूहरु निकै उत्साहित भएको बताए ।