प्रदेश प्रमुखसमक्ष मुख्यमन्त्री कार्कीले बुझाए राजीनामा

मातृभूमि नेपाल

Home
मातृभूमि नेपाल
प्रदेश प्रमुखसमक्ष मुख्यमन्त्री कार्कीले बुझाए राजीनामा

प्रदेश प्रमुखसमक्ष मुख्यमन्त्री कार्कीले बुझाए राजीनामा

गोर्खा मिडिया संवाददाता शनिबार, असोज २०, २०८०

काठमाडौं । कोशी प्रदेशका मुख्यमन्त्री हिक्मतकुमार कार्कीले प्रदेश प्रमुख परशुराम खापुङसमक्ष राजीनामा बुझाएका छन् ।

नेकपा एमाले संसदीय दलका नेतासमेत रहेका कार्कीले शनिबार प्रदेशसभा बैठकलाई सम्बोधन गर्दै राजीनामा दिने घोषणा गरेका थिए ।

प्रदेश प्रमुख खापुङले कार्कीलाई गत भदौ २२ मा नेपालको संविधानको धारा १६८ (३) बमोजिम कोशी प्रदेश सरकारको मुख्यमन्त्री पदमा नियुक्त गरेका थिए ।

संविधानको धारा १६८ (४) बमोजिम प्रदेश सभाबाट विश्वासको मत प्राप्त गर्नु पर्नेमा विश्वासको मतको लागि अपनाइने प्रकृया अवलम्बन गर्नु अगावै प्रदेश सरकारको स्थायित्व, दलीय सहकार्य र सद्भावमार्फत सुशासन कायम गर्न जातीय, धार्मिक एवं सांस्कृतिक एकता र सहिष्णुता कायम हुन सकोस् भनी विश्वासको मत प्राप्त गर्ने विधि र प्रकृया अगाडि नबढाउन र त्यस्तो विधि प्रकृयालाई अश्विकार नगरी संवैधानिक दृष्टिकोणले प्रदेश सभामा प्रतिनिधित्व गर्ने दलहरुको भूमिका प्रभावकारी रुपमा स्थापित गर्न, विश्वासको मत प्राप्त हुने वा नहुने विषयको परीक्षण गर्नु पूर्व नै मुख्यमन्त्री पदबाट राजीनामा दिएको कार्कीले उल्लेख गरका छन् ।

शनिबार कार्कीले प्रदेशसभामा विश्वासको मत लिने कार्यक्रम तय थियो ।
अब कोशीमा नेपालको संविाधानको धारा १६८ (५) बमोजिम सरकार गठन हुनेछ ।

प्रकाशित मिति: शनिबार, असोज २०, २०८० १७:१४

प्रतिक्रिया दिनुहोस्