प्रतिकूल मौसमबीच कार्यक्रम थप आकर्षक बनाउन विगत वर्षहरुमा जस्तै विभिन्न खेलकुद तथा नाचगान समावेश गरिएको थियो । उक्त कार्यक्रम सहज हुने गरी कार्यसमितिका सदस्यहरुलाई जिम्मेवारी बाँडफाँड गरिएको थियो । जस अनुसार टिकट बिक्रीमा कोषाध्यक्ष क्याप्टेन भीष्मराज गुरुङ, उमा गुरुङ र सुनिता गुरुङ, खाना तथा बीबीक्यू व्यवस्थापनमा शेर गुरुङ, खेलकुद तथा छेलो प्रतियोगितामा मान गुरुङ, होम गुरुङ र गणेश गुरुङ, राफल ड्र मा लेडिज कोअर्डिनेटर तारादेवी गुरुङ र उदयहिरा घलेले जिम्मेवारी लिएका थिए भने खाना तथा बीबीक्यू व्यवस्थापनमा गोर्खा भिल्ला रेस्टुरेन्ट, साउण्ड सिस्टममा बीसी राई, फोटो अनि भिडियोमा होम गुरुङ र गोलमान गुरुङले गरेका थिए ।
केन्टवासी गुरुङहरुले हरेक वर्ष छेलो हान्ने प्रतियोगिता निरन्तररुपमा आयोजना गर्दै आएका छन् । यस वर्षको छेलो हान्ने प्रतियोगितामा आशफोर्ड निवासी शेर गुरुङले भेट्रान समूहमा र युवातर्फ आशफोर्ड निवासी सुलभ श्रेष्ठले उपाधि जिते । दर्जनौं प्रतियोगीलाई उछिन्दै प्रथम उपाधि जित्ने दुवै समूहका विजेतालाई अध्यक्ष गुरुङले फेटा र अबिर लगाई पुरस्कारसहित खादा लगाई बधाई दिए । कार्यक्रम थप रोचक बनाउन नेपालबाट आएका चर्चित लोकदोहोरी गायक शिव हमालले मीठा गीतहरु गाएर सबैलाई धुमधामसँग नचाए ।
औपचारिक कार्यक्रममा नयाँ आजिवन सदस्यहरुलाई खादा लगाई स्वागत गरिएको थियो । साथै नेपालदेखि बेलायत छुट्टीमा आएका पीम गुरुङ र सुबास घलेलाई पनि स्वागत सम्मान गरिएको थियो ।
औपचारिक कार्ययक्रमको अन्तमा उपस्थित सबैलाई संस्थाका अध्यक्ष क्याप्टेन रिटायर्ड डोलबहादुर गुरुङले धन्यवाद दिए ।
आकर्षक पुरस्कारहरु रहेको ‘राफल ड्र’ले पनि कार्यक्रममा रौनकता थप्यो । राफल ‘ड्र’को प्रथम पुरस्कार क्याप्टेन रामप्रसाद गुरुङले प्रायोजन गरेका थिए भने अन्य पुरस्कारहरू विभिन्न व्यक्तिले प्रायोजन गरेका थिए । कार्यक्रम सञ्चालन महासचिव तोरण गुरुङले गरेका थिए भने स्वागत मन्तव्य प्रथम उपाध्यक्ष गोलमान गुरुङले गरेका थिए ।
सांस्कृतिक कार्यक्रममा युवा नानीबाबुहरु क्रमश: संस्कृति लारा गुरुङ, निक्छेन गुरुङ, ग्रिसम गुरुङ र समिप्ट लारा गुरुङको मनमोहक नृत्यले उपस्थित सबैको मन जितेका थिए ।
ग्रीष्मकालीन भेटघाट तथा समर बीबीक्यू कार्यक्रमको अन्तमा वृद्धबाआमादेखि युवासम्म सबैजनाले नाचेर मनोरन्जन लिए ।
-1732408259.jpg)
-1732504368.jpg)
-1732095969.jpg)
-1732506431.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://mail.gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
