लन्डन । लन्डन चुम्लुङको आयोजनामा ३१ अक्टोबर २०२६ मा बलिहाङ तङनाम मनाइएको छ । लन्डनको साउथ ह्यारोमा संस्थाका अध्यक्ष देव आङबुहाङको अध्यक्षतामा भव्य रूपमा कार्यक्रम सम्पन्न भएको हो ।
सुरुमा, ‘लारिङगे’ (देउसी) सम्बन्धी छोटो भिडियो चलचित्रको छायांकन गरियो, जुन करिब एक घण्टासम्म चलेको थियो। जसमा भक्ति आङदेम्बेले मुख्य भूमिका निर्वाह गरे ।
मुख्य कार्यक्रम दिउँसो करिब ३ बजे सुरु भएको थियो । महासचिव किशोर आङदेम्बेले सञ्चालन गरेको कार्यक्रममा कोषाध्यक्ष राजेन्द्र नाल्बोले स्वास्थ्य तथा सुरक्षासम्बन्धी जानकारी गराए । प्रमुख अतिथि नेपाल आदिवासी जनजाति पत्रकार महासंघकी केन्द्रीय सदस्य भूमिका फियाक रहेकी थिइन् ।
अध्यक्षकी श्रीमती (मीरा आङबुहाङ) ले प्रमुख अतिथिलाई खादा लाएर स्वागत गरिन् । स्वागत मन्तव्य कोषाध्यक्षले राखेका थिए ।
संस्थाका सल्लाहकार असार सिंह आङबुहाङले जेष्ठ नागरिक गंगा फागो वनेमलाई खादा लगाएर सम्मान गरेका थिए । प्रमुख अतिथि र ज्येष्ठ नागरिक गंगा फागो वनेमले औपचारिक दीप प्रज्वलन गरे ।
प्रमुख अतिथि फियाकले कार्यक्रम र संस्थाको सफलताको शुभकामना दिइन् । उनले आफूलाई प्रमुख अतिथिको रूपमा आमन्त्रण गरेकामा खुसी व्यक्त गर्दै धन्यवाद दिइन् । त्यसैगरी, संस्थाका उद्देश्यमाथि प्रकाश पार्दै अध्यक्षले बलिहाङ तङनामलाई सफल बनाउन सहयोग गर्ने सम्पूर्ण स्थानीय सदस्यहरूलाई धन्यवाद ज्ञापन गरे ।
संस्थाले धान नाच (झरना जबेगु/देवान, दिल कुमारी पङ्धाक, राधा फोम्बो, भीम येकतेन, राजेन्द्र नाल्बो, पदम योङहाङ, किशोर आङ्देम्बे, भूमिका फियाक र पूर्ण माया कुरुम्बाङ) तथा च्याब्रुङ नाचमा योगदान पुर्याउने (शक्तिम चेम्जोङ, युगल चेम्जोङ, शिवानी आङ्देम्बे, अलिशा आङ्देम्बे साथै सेखा इङनाम) सम्पूर्ण कलाकारप्रति आभार व्यक्त गरेको थियो ।
सेखा इङनामको ‘एकल’ नृत्यले मञ्चमा जीवन्त ऊर्जा ल्याएको थियो । विभिन्न रोचक गतिविधिसहित अर्को वर्ष फेरि भेट्ने वाचा गर्दै कार्यक्रम समापन भएको थियो ।
-1793161971.jpg)
-1793163827.jpg)
