बेलायतका राईसहित १२ जनालाई ‘प्रज्ञा पुरस्कार’ प्रदान गरिने

साहित्य

Home
साहित्य
बेलायतका राईसहित १२ जनालाई ‘प्रज्ञा पुरस्कार’ प्रदान गरिने

बेलायतका राईसहित १२ जनालाई ‘प्रज्ञा पुरस्कार’ प्रदान गरिने

गोर्खा मिडिया संवाददाता बिहीबार, वैशाख १०, २०८३

काठमाडौँ । नेपाल प्रज्ञा–प्रतिष्ठानले अघिल्ला वर्षझैँ यस वर्षका लागि भाषा, साहित्य, संस्कृति, दर्शनशास्त्र र सामाजिकशास्त्र विधाका ‘प्रज्ञा पुरस्कार’हरूको घोषणा गरेको छ ।

प्रतिष्ठानले नगर १ लाख रुपैयाँ राशिसहितको प्रज्ञा पुरस्कार बेलायतका नरेश काङमाङ राईसहित १२ जनालाई प्रदान गर्ने जनाएको हो । यस पटकदेखि ‘प्रज्ञा प्रादेशिक पुरस्कार’समेत प्रदान गर्ने जनाइएको छ ।

प्रतिष्ठानका सदस्यसचिव डा. धनप्रसाद सुवेदीद्वारा जारी विज्ञप्तिमा उल्लेख भएअनुसार एक लाख नगद राशिसहितको प्रज्ञा पुरस्कार १२ जनालाई प्रदान गरिने छ ।

प्रतिष्ठानले समालोचनातर्फ प्रा.डा. अभि सुवेदी, भाषातर्फ प्रा. मुकुन्दशरण उपाध्याय, सामाजिकशास्त्रतर्फ डा. डम्बर चेम्जोङ, पद्य साहित्यतर्फ शैलेन्द्र साकार, संस्कृतितर्फ प्रा.डा. सोमप्रसाद खतिवडा, बालसाहित्यतर्फ सुशीला प्रधानाङ्ग, गद्यसाहित्यतर्फ आहुति, दर्शनतर्फ ईश्वरचन्द्र ज्ञवाली, अनुवादतर्फ डा. सर्वोत्तम श्रेष्ठ, मातृभाषा (हिमाली पहाडी) तर्फ बुद्ध योञ्जन र मातृभाषा (मधेश तराई) तर्फ अमरेन्द्रकुमार यादवलाई प्रज्ञा पुरस्कार प्रदान गरिने जनाएको छ ।

प्रकाशित मिति: बिहीबार, वैशाख १०, २०८३ २०:५७

प्रतिक्रिया दिनुहोस्