यस वर्षको ‘गौरी स्रष्टा सम्मान’ साहित्यकार गुरुङ सुशान्तलाई प्रदान गरिने

साहित्य

Home
साहित्य
यस वर्षको ‘गौरी स्रष्टा सम्मान’ साहित्यकार गुरुङ सुशान्तलाई प्रदान गरिने

यस वर्षको ‘गौरी स्रष्टा सम्मान’ साहित्यकार गुरुङ सुशान्तलाई प्रदान गरिने

गोर्खा मिडिया संवाददाता शुक्रबार, चैत ६, २०८२

पोखरा । साहित्यकार सुशान्त गुरुङलाई यस वर्षको ‘गौरी स्रष्टा सम्मान पुरस्कार’ बाट सम्मानित गरिने भएको छ ।

गुरुङ साहित्यिक मञ्च नेपालले आफ्नो नवौँ स्थापना दिवसको अवसर पारेर आगामी २१ चैतमा कमलादीस्थित नेपाल प्रज्ञा-प्रतिष्ठानमा आयोजना हुने एक समारोहबीच यो पुरस्कार प्रदान गर्ने निर्णय गरेको हो । पुरस्कारको राशि ३५ हजार ५ सय ५५ रुपैयाँ तोकिएको छ ।

सोही कार्यक्रममा ‘तमू पहिचान: शास्त्र, साहित्य र सञ्चारको संवाद’ विषयक पहिलो सत्रमा डा. पोलबहादुर गुरुङ, गुरुङ सुशान्त र गंगादेवी गुरुङले आफ्ना धारणा राख्ने कार्यक्रम तय भएको छ । यस सत्रको सहजीकरण गौरी तमूले गर्ने मञ्चकी संस्थापक अध्यक्ष एवं साहित्यकार गौरी तमूले जानकारी दिइन् । उनले कार्यक्रमको तयारीबारे स्पष्ट पार्दै यस विषयमा सबैलाई जानकारी गराएकी छन् ।

यस्तै, कार्यक्रमको दोस्रो सत्रमा संस्थाको स्थापनादेखि हालसम्मको प्रगति विवरण र यात्राको प्रस्तुति देखाइनेछ । यसका साथै ‘तमू आँगन’ अन्तर्गत सहभागीहरूले मातृभाषामा कविता वाचन गर्ने कार्यक्रम समेत रहेको आयोजकले बताए ।

प्रकाशित मिति: शुक्रबार, चैत ६, २०८२ १४:२९

प्रतिक्रिया दिनुहोस्