सांगीतिक भ्रमणमा यूके आएका कलाकारहरु तमु प्ये ल्हु संघ यूकेबाट सम्मानित [तस्बिरहरुसहित]

मनोरञ्जन

Home
मनोरञ्जन
सांगीतिक भ्रमणमा यूके आएका कलाकारहरु तमु प्ये ल्हु संघ यूकेबाट सम्मानित [तस्बिरहरुसहित]

सांगीतिक भ्रमणमा यूके आएका कलाकारहरु तमु प्ये ल्हु संघ यूकेबाट सम्मानित [तस्बिरहरुसहित]

गोर्खा मिडिया संवाददाता सोमबार, माघ ५, २०८२

लन्डन । तमु प्ये ल्हु संघ यूके र आमा समूहले सांगीतिक भ्रमणमा यूके आएका कलाकारहरु 'कौडा किङ' दुर्गा प्हच्यु तमु, गायक केशबहादुर प्हच्यु तमु र नेपाल आइडल सिजन ५ की फस्ट रनरअप सलोमी म्होब्छे तमुलाई सम्मान गरेको छ ।

शनिबार १७ जनवरी २०२६ मा तमु प्ये ल्हु संघ यूकेको आफ्नै समाज भवनमा कलाकारहरुलाई सम्मान गरिएको हो । सम्मानको क्रममा संघको अध्यक्ष क्या. डेम बहादुर योज तमुले तीनैजना कलाकारहरुलाई क्रेगी र क्रमु ओढाउनुका साथै संघको लोगो अंकित टोपीसहित नगद र सम्मान पत्र प्रदान गरेका थिए । साथै कलाकारहरु केशबहादुर प्हच्यु तमु र सलोमी म्होब्छे तमुले तमु प्ये ल्हु संघ यूकेलाई मायाको चिनो प्रदान गरेका थिए ।

तमु धीं यूकेको निमन्त्रणामा यूके आएर विभिन्न कार्यक्रममा व्यस्त रहेका कलाकारहरुलाई प्हच्यु भाई खलक यूकेले आयोजना गरेको एक सम्मान कार्यक्रमको मौका पारि तमु प्ये ल्हु संघ यूकेले सम्मान गरेको संघका अध्यक्ष क्या डेमबहादुर गुरुङले बताए ।

तीनैजना कलाकारहरुको यूकेको बसाइ अब धेरै दिन नभएको खबर पाएपछि औपचारिक अभिनन्दन तथा सम्मान कार्यक्रम तय गर्न समय अभाव हुने निचोडमा प्हच्यु भाई खलक यूकेसँग समय लिएर सम्मान गरिएको अध्यक्ष क्या डेमबहादुर तमुले प्रस्ट पारे ।