तमु धीं यूकेको ल्होछारमा आउन सलोमी र केशबहादुरले पाए भिसा

मनोरञ्जन

Home
मनोरञ्जन
तमु धीं यूकेको ल्होछारमा आउन सलोमी र केशबहादुरले पाए भिसा

तमु धीं यूकेको ल्होछारमा आउन सलोमी र केशबहादुरले पाए भिसा

गोर्खा मिडिया संवाददाता शुक्रबार, मंसिर १९, २०८२

लन्डन । कलाकार सलोमी गुरुङ र केशबहादुर गुरुङ तमु धीं यूकेले आयोजना गर्ने ‘त ल्हो ल्होछार उत्सव-२०२५’मा यूके आउने पक्का भएको छ ।

दुवै जनाको भिसा लागेसँगै २७ डिसेम्बरमा अल्डरसटस्थित एम्पायर हलमा हुने ल्होछार कार्यक्रममा उनीहरूले प्रस्तुति दिने पक्का भएको तमु धीं यूकेका अध्यक्ष जुमकाजी गुरुङले जानकारी दिए ।

सलोमी नेपाल आइडल सिजन ६ मा द्वितीय भएकी थिइन् भने केशबहादुर पछिल्लो समयमा गुरुङ गीतमा ख्याति कमाउन सफल युवा गायक हुन् । ल्होछारमा उनीहरूका साथमा स्थानीय कलाकारहरूको समेत प्रस्तुति रहनेछ ।

तमु वर्गचक्रअनुसार सर्प वर्गको बिदाइ र घोडा वर्गलाई स्वागत गर्दै यस वर्ष तमु (गुरुङ) समुदायले बेलायतमा त ल्हो ल्होछार मनाउँदै छन् ।

ल्होछार कार्यक्रममा परिवारका साथ उपस्थितिका लागि संस्थाका वरिष्ठ उपाध्यक्ष एवं कार्यक्रम संयोजक परशु गुरुङले तमु समुदायसहित सबै यूकेवासी नेपालीहरूलाई निमन्त्रणासमेत गरेका छन् ।

प्रकाशित मिति: शुक्रबार, मंसिर १९, २०८२ १८:३४

प्रतिक्रिया दिनुहोस्