एरिका गुरुङ १ लाख रुपैयाँसहित सम्मानित

खेलकुद

Home
खेलकुद
एरिका गुरुङ १ लाख रुपैयाँसहित सम्मानित

एरिका गुरुङ १ लाख रुपैयाँसहित सम्मानित

गोर्खा मिडिया संवाददाता मंगलबार, कात्तिक ११, २०८२

काठमाडौं । नेपाली राष्ट्रिय कराते खेलाडी एरिका गुरुङ र प्रशिक्षक कुशल श्रेष्ठलाई नगदसहित सम्मान गरिएको छ । मंगलबार नेपाल सितेरियो कराते संघले एक कार्यक्रमबीच एरिका र प्रशिक्षक श्रेष्ठलाई नगदसहित सम्मान गरेको हो ।

मलेसियामा सम्पन्न डब्लुकेएफ कराते सिरिज वान मा ऐतिहासिक स्वर्ण पदक जितेको एरिकालाई नगद १ लाख र सम्मानपत्रसहित सम्मान गरेको छ । यस्तै उनका प्रशिक्षक कुशल श्रेष्ठलाई नगद ५० हजार र सम्मानपत्रसहित सम्मानित गरिएको छ ।

नेपाल कारते महासंघका अध्यक्ष युवराज लामा, नेपाल शितोरियो कराते संघका अध्यक्ष धावा गुरुङ लगायतले एरिका र कुशललाई सम्मान गरे । नेपाली कराते इतिहासमा कुने पनि खेलाडीले डब्लुकेएफ कराते सिरिज वानमा पहिलो पटक स्वर्ण पदक जितेको हो ।

566541051_2918142898374210_5755401459153797437_n-1761663650.jpg
यस्तै एरिकाले गत जुनमा मोरक्कोको राबातमा भएकव कराते वान प्रिमियर लिगमा पनि सहभागि हुँदै ऐतिहासिक कांस्य पदक जितेकी थिइन् । एरिकाले नोभेम्बर अन्त्यमा इजिप्टको काइरोमा हुने कराते विश्व च्याम्पियनसिपमा समेत खेल्ने भएकी छन् ।

नेपाल कराते महासंघका अध्यक्ष युवराज लामाले कराते विश्व च्याम्पियनसिप क्वालिफायरमा गरेको प्रदर्शनका आधारमा उनी विश्व च्याम्पियनसिपका लागि छनोट भएको र यो नेपाली करातेका लागि ठूलो विषय भएको बताए ।

प्रकाशित मिति: मंगलबार, कात्तिक ११, २०८२ २०:४६

प्रतिक्रिया दिनुहोस्