एनआरएनएले वितरण गर्‍यो बाढी–पहिरो प्रभावित इलाममा राहत

मातृभूमि नेपाल

Home
मातृभूमि नेपाल
एनआरएनएले वितरण गर्‍यो बाढी–पहिरो प्रभावित इलाममा राहत

एनआरएनएले वितरण गर्‍यो बाढी–पहिरो प्रभावित इलाममा राहत

गोर्खा मिडिया संवाददाता आइतबार, असोज २६, २०८२

काठमाडौं । अविरल वर्षापछि इलाम जिल्लामा आएको बाढी र पहिरोले प्रभावित भएका परिवारहरूलाई राहत वितरण गरिएको छ ।

गैरआवासीय नेपाली संघ (एनआरएनए)ले नेपाल रेडक्रस सोसाइटी इलाम जिल्ला शाखा र रेडहर्स फुटबल क्लबको सहकार्यमा असोज २३ गतेदेखि विभिन्न चरणमा राहत वितरण गरेको हो । नेपाल रेडक्रस सोसाइटीको इलाम शाखामार्फत वडा नम्बर ६ को बालन र घोषमा र मंगलबारे, सिधिथुम्का, शान्तिडाँडा, माइपोखरी एकतप्पा, दानाबारी उपशाखामार्फत थप राहत वितरण गरिएको हो ।

राहत सामग्रीमा १०० थान त्रिपाल, २०० थान ब्ल्यान्केट तथा १०० थान म्याट रहेका छन् । राहत पाएपछि प्रभावित परिवारहरूले केही सहजता महसुस भएको प्रतिक्रिया दिएका छन् ।

राहत वितरण कार्यक्रमको समन्वय संघको तर्फबाट कनिष्ठ अधिकृत निरोज महर्जनले गरेका थिए । गत असोज १८ गतेको अविरल वर्षाका कारण इलाममा पहिरोले ३९ जनाको ज्यान गएको थियो ।

प्रकाशित मिति: आइतबार, असोज २६, २०८२ २३:४७

प्रतिक्रिया दिनुहोस्