बेलायतको अल्डरसटमा विश्व कविता सम्मेलन हुने, विजेतालाई ५० हजार रुपैयाँ

साहित्य

Home
साहित्य
बेलायतको अल्डरसटमा विश्व कविता सम्मेलन हुने, विजेतालाई ५० हजार रुपैयाँ

बेलायतको अल्डरसटमा विश्व कविता सम्मेलन हुने, विजेतालाई ५० हजार रुपैयाँ

गोर्खा मिडिया संवाददाता आइतबार, असोज १२, २०८२

लन्डन । सुनगाभा प्रालि यूकेले विश्व कविता सम्मेलन आयोजना गर्ने भएको छ ।

विश्वका विभिन्न स्थानमा रहेका नेपाली सर्जकहरूको सिर्जनामार्फत देश नियाल्ने उद्देश्यसहित बेलायतको अल्डरसटमा आगामी १८ अक्टोबरका दिन सम्मेलन हुन लागेको हो ।

कार्यक्रममा नेपाल, बेलायत, अमेरिका, अस्ट्रेलिया, मध्यपूर्व र युरोपका नेपाली कविहरूको सहभागिता रहनेछ । आयोजकका अनुसार, २८ सेप्टेम्बरदेखि ३ अक्टोबरसम्म कविहरूले आफ्ना कविता वाचन गरेको भिडियो अपलोड गर्नुपर्नेछ।

छनोट भएका १०० कवितामध्ये दर्शकको लाइक र निर्णायकको निर्णयका आधारमा २० उत्कृष्ट कविता छनोट हुनेछन् । ती कविहरूले १७ अक्टोबरभित्र नयाँ शीर्षकमा कविता पठाउनुपर्नेछ।

कार्यक्रमका लागि अन्तर्राष्ट्रिय संयोजक विश्वासदिप तिगेला, नेपाल संयोजक टिका चाम्लिङ, दुबई संयोजक विक्रम चेतनशील र बेलायत संयोजक केदार संकेत तोकिएका छन्।

प्रतियोगितामा प्रथम हुनेले ५० हजार, द्वितीयले ३० हजार र तृतीयले २० हजार रुपैयाँ पुरस्कार प्राप्त गर्नेछन् ।

प्रकाशित मिति: आइतबार, असोज १२, २०८२ २०:५१

प्रतिक्रिया दिनुहोस्