माओत्से गुरुङको निर्देशनमा बन्ने फिल्म ‘पेन्सनपट्टा’मा विश्वास र माया अनुबन्धित

मनोरञ्जन

Home
मनोरञ्जन
माओत्से गुरुङको निर्देशनमा बन्ने फिल्म ‘पेन्सनपट्टा’मा विश्वास र माया अनुबन्धित

माओत्से गुरुङको निर्देशनमा बन्ने फिल्म ‘पेन्सनपट्टा’मा विश्वास र माया अनुबन्धित

गोर्खा मिडिया संवाददाता बुधबार, असोज ८, २०८२

काठमाडौं । माओत्से गुरुङको निर्देशनमा निर्माण हुने दोस्रो सिनेमा ‘पेन्सनपट्टा’मा गुरुङ सिनेमाका चर्चित कलाकार विश्वास गुरुङ र माया गुरुङ अनुबन्धित भएका छन् । यो सिनेमाको मुख्य भूमिकामा यसअघि नै अभिनेता दयाहाङ राई मुख्य भूमिकामा अनुबन्धित भैसकेका छन् ।

गुरुङ सिनेमाका चर्चित अभिनेता विश्वास गुरुङले ‘जुनी जुनी’, ‘तिमी नभए’, ‘म्हो’, ‘कुटुम्बेरी साइनो’, फिच्यो र सिरसुवामा अभिनय गरेका छन् । यता, अभिनेत्री माया गुरुङले भने ‘ह्युलै माया’, ‘च्यागी’ र ‘घलेक’मा अभिनय गरिसकेकी छन् । यी दुवै गुरुङ सिनेमाबाट पहिलो पटक नेपाली रजतपटमा डेव्यु गर्न उत्साहीत रहेको बताउँछन् । त्यसमाथि गुरुङ सिनेमाका ‘गडफादर’का रुपमा परिचित माओत्से गुरुङको निर्देशनमा निर्माण हुने सिनेमा ‘पेन्सनपट्टा’बाट मेन स्ट्रिमको सिनेमामा डेव्यु गर्न पाउँदा झनै उत्साहीत बनाएको उनीहरु बताउँछन् ।

कार्तिकबाट फ्लोरमा निस्कने यो सिनेमाको शिर्षकबाट भूतपूर्व लाहुरेको कथा जस्तो लाग्ने भएपनि सिनेमाले लोभी केटा कसरी दानी बन्छ भन्ने कथा देखाउने निर्देशक तथा निर्माता गुरुङले बताँछन् । माओत्से गुरुङ फिल्मस्को ब्यानरमा निर्माण हुने सिनेमाको कथा पनि निर्देशक गुरुङले नै लेखेका हुन् । सिनेमामा अन्य कलाकार कोको रहने भन्ने चाँडै सार्वजनिक गरिने प्रोडक्सन म्यानेजर डिबी गुरुङले बताए । सिनेमाको सम्पूर्ण छायांकन कास्की जिल्लाको पोखरा आसपासमा गरिने निर्माण टिमले जनाएको छ ।

सुशन प्रजापतिले खिच्ने सिनेमाको कास्टिङ डिरेक्टर सुरज तमु हुन् । निर्देशक माओत्से गुरुङको निर्देशनमा निर्माण भएको पहिलो सिनेमा बक्सअफिसमा हिट भएको थियो । चरित्र अभिनेतामा पहिलो रोजाइका कलाकारसमेत रहेका उनी पछिल्लो समय लेखन तथा निर्देशनमा पनि होमिएका छन् । उनले यसअघि गुरुङ भाषाका सिनेमा निर्देशन गर्दै आएका थिए ।

प्रकाशित मिति: बुधबार, असोज ८, २०८२ १७:५५

प्रतिक्रिया दिनुहोस्