सहारा आधारभूत विद्यालयमा हिमालयन आँखा अस्पतालको नि:शुल्क शिविर

मातृभूमि नेपाल

Home
मातृभूमि नेपाल
सहारा आधारभूत विद्यालयमा हिमालयन आँखा अस्पतालको नि:शुल्क शिविर

सहारा आधारभूत विद्यालयमा हिमालयन आँखा अस्पतालको नि:शुल्क शिविर

गोर्खा मिडिया संवाददाता बुधबार, साउन १४, २०८२

पोखरा । बसपार्कमा रहेको सहारा बाल आधारभूत विद्यालयमा हिमालयन आँखा अस्पतालले नि:शुल्क आँखा शिविर सञ्चालन गरेको छ ।

हिमालयन आँखा अस्पतालका व्यवस्थापन समितिका अध्यक्ष एवं वरिष्ठ अधिवक्ता सुरेन्द्र थापा मगरको प्रमुख आतिथ्यमा सम्पन्न भएको कार्यक्रममा अस्पतालका प्राविधिक सहितको टोलीले १९७ जनाको आँखा परीक्षण गरेको थियो ।

विद्यालयका प्रधानाध्यापक लोचना अधिकारीले नि:शुल्क सेवा प्रदान गर्ने हिमालयन आँखा परिवारलाई धन्यवाद दिइन् । विद्यालयका निवर्तमान संयोजक तथा पोखरा ९ का जनप्रतिनिधि नन्दराम गिरिले समाज रूपान्तरणको पहिलो चरण नै शिक्षा भएको हुँदा सबैले शिक्षा गुणस्तरीय र बालमैत्री हुनुपर्नेमा जोड दिँदै स्वस्थ आँखा भएमा सिकाई प्रभावकारी हुने बताए ।

522325105_1972735380127452_5362421434001565860_n-1753875853.jpg
प्रमुख अतिथि एवं वरिष्ठ अधिवक्ता सुरेन्द्र थापा मगरले विपन्न बस्तीका बालबालिकाहरूलाई नि:शुल्क रूपमा सेवा गर्ने अवसर प्रदान गरेकोमा विद्यालयलाई धन्यवाद व्यक्त गरे । विद्यालयमा अध्ययन गर्ने बालबालिकालाई आगामी दिनमा पनि आँखासम्बन्धी समस्या पैदा भएको खण्डमा विद्यालयको सिफारिससहित अस्पतालमा आएमा सहुलियत प्रदान गर्ने उनले प्रतिबद्धता जनाए।

विद्यालय व्यवस्थापन समितिका अध्यक्ष विक्रम थकालीले विपन्न तथा अव्यवस्थित वस्तिका बालबालिकालाई स्वास्थ्य उपचार पहुँचयोग्य हुने अवस्थामा नरहेको अवस्थामा हिमालयन आँखा अस्पताले नि:शुल्क रूपमा आँखा शिविर सञ्चालन गरी आवश्यक बालबालिकाहरूलाई नि:शुल्क रूपमा चस्मा समेत प्रदान गरेकोमा खुसी व्यक्त गरे ।

प्रकाशित मिति: बुधबार, साउन १४, २०८२ १७:२९

प्रतिक्रिया दिनुहोस्