पोखरा । इन्टेक १९७३ ले ७० वर्षको जन्म दिन विभिन्न कार्यक्रम गरी मनाएका छन् ।
चैत २१ गते २०८१ (३ अप्रिल २०२५) पर्यटकीय राजधानी पोखराको फेवातालको किनारमा रहेको अन्नपूर्ण गार्डेन क्याफे एन्ड लाउन्जमा इन्टेक १९७३ ले आफ्नो ७० औं जन्मदिन भव्यताका साथ मनाएका हुन् । हितमान गुरूङ, कृष्णा गुरूङले जन्म दिनको केक काटेका थिए । त्यस बेला जन्म दिनको शुभकामना भन्ने शब्दहरूले कार्यक्रम हल नै गुन्जयमान बनाएको थियो ।
नम्बरी राम गुरूङको अगुवाईमा भएको कार्यक्रममा शुभकामना मन्तव्य हितमान गुरूङले दिएका थिए ।
संयोग नै भन्नुपर्छ, कृष्णा गुरूङको ७० औं जन्म दिन पनि सोही हप्ता परेकोले उनलाई उपस्थित सबैले बधाई अनि शुभकामना दिएका थिए । हितमान गुरूङले कर्णेल कामण्डेन अवार्ड पाएकोमा पनि बधाई दिइएको थियो । साथै विगत केही समयदेखि अस्वस्थ रहेका नम्बरी ईन्द्रमान गुरूङलाई शीघ्र स्वास्थ्यलाभको कामना गरिएको थियो ।
युकेबाट नेपाल छुट्टीमा रहेका नम्बरीहरू ललित गुरूङ र नर पुनहरू साथै उनीहरूका परिवारको सहभागिताले कार्यक्रम निकै रोचक बनेको थियो ।
सबै पल्टनको ब्याजले सजिसजाउ गरिएको जन्म दिनको केकको स्पोन्सर हितमान गुरूङले गरेका थिए भने बेनारको स्पोन्सर ललित गुरूङले गरेक थिए ।आफ्नै जन्म दिनको खुशीयालीमा कृष्णा गुरूङले पिय पदार्थ प्रायोजन गरेका थिए ।
पल्टनमा नम्बरी शब्द नै अमूल्य हो भन्ने सबैले मनन गरेका र १९७३ सालदेखि २०२५ सम्मको यात्राका सुखदुखका क्षण साटासाट गर्न सबैजना निकै व्यस्त देखिन्थे । कुनै कुनै नम्बरीहरू लामो समयको अन्तरालपछि भेट्न पाउँदा ज्यादै खुशी देखिन्थे । सात दशक पार गरिसकेका नम्बरीहरू अनि दिदीबहिनीहरूका जोस र जाँगर देखेर उमेर त खाली नम्बार मात्रा रहेछ भन्ने कुरा साबित गरेरै छाडेको सहभागीले बताए ।
मनोरन्जन पोखराको ओपन सी ब्यान्डको प्रस्तुतिमा सबैले भरपुर मनोरन्जन लिएका थिए । कार्यक्रम बेलुका ५ बजे सुरू भई राति झन्डै ११ बजे समापन भएको थियो । कार्यक्रम सबैका लागि अविष्मरणीय क्षण हुने आयोजकको दाबी छ ।
यसैबीच यूकेवासी १९७३ ईन्टेकले आउँदो जुनको ७ तारिखमा अल्डरसटको द प्यालेस रेस्टुरेन्टमा आफ्नो ७० औं जन्म दिन भव्यताका साथ मनाउने तयारी रहेको ललित गुरूङले उक्त अवसरमा जानकारी गराएका थिए । उनले यूकेवासी नम्बरीहरू अनि दिदीबहिनीहरूलाई अग्रिम चुलो निम्तो दिएका थिए ।
![युरोपियन कोर्टमा समान पेन्सनको मुद्दा लिगल्ली हारे पनि वार्ताका लागि सहज भएको छ: मे. रि. टिकेन्द्र दल देवान जेपी [अन्तर्वार्ता]](https://mail.gurkhamedia.com/uploads/posts/collage-(1)-1743340752.jpg)
-1741516247.jpg)
