तमु कलाकार सांस्कृतिक मञ्च यूकेको निमन्त्रणामा बेलायत आइन् गायिका सविना गुरुङ

मनोरञ्जन

Home
मनोरञ्जन
तमु कलाकार सांस्कृतिक मञ्च यूकेको निमन्त्रणामा बेलायत आइन् गायिका सविना गुरुङ

तमु कलाकार सांस्कृतिक मञ्च यूकेको निमन्त्रणामा बेलायत आइन् गायिका सविना गुरुङ

गोर्खा मिडिया संवाददाता बुधबार, फागुन २८, २०८१

लन्डन । तमु कलाकार सांस्कृतिक मञ्च यूकेको यही १५ मार्चमा हुने चौथो रोधीं साँझ २०२५ र दशौँ वार्षिकोत्सव कार्यक्रमका लागि लोक तथा दोहोरी गायिका सविना गुरुङ बेलायत आएकी छन् । उनको यो तेस्रो बेलायत भ्रमण हो ।

गायिका गुरुङ मंगलबार ११ मार्चमा लन्डन आइपुगेकी हुन् । उनलाई हिथ्रो विमानस्थलमा तमु कलाकार सांस्कृतिक मञ्च यूकेका अध्यक्ष पदम गुरुङ,तमु प्ये ल्हु संघ यूकेका पूर्वअध्यक्ष जगत प्हच्यु, आमा समूहकी निर्वतमान अध्यक्ष विष्णु टु क्ल्हेप्री, मञ्चका पूर्वअध्यक्ष सूर्य गुरुङलगायतले स्वागत गरेका थिए ।

अल्डरसटस्थित एम्पायर हलमा हुने कार्यक्रममा सविनासहित शीतल गुरुङ, हरिमाया गुरुङ, नीता गुरुङ, तीलक गुरुङ र अन्य थुप्रै चर्चित कलाकारहरूले प्रस्तुति दिने आयोजकले जनाएको छ । कार्यक्रम अपराह्न ४ बजे सुरु हुने जनाइएको छ ।

समय मिलाएर कार्यक्रममा सहभागी भई हौसला प्रदान गरिदिन मञ्चले अनुरोधसमेत गरेको छ ।

तमु कला संस्कृति जगेर्ना गर्ने उद्देश्यले यूकेमा स्थापना गरिएको मञ्चले हरेक दुई वर्षमा रोधीं साँझ गर्दै आएको छ । ‘कला संस्कृतिको जगेर्ना, हाम्रो चाहना’ नारासहित सन् २०१५ मा संस्थाको स्थापना भएको हो ।

482629046_1002606705119101_5220626240779173419_n-1741748647.jpg