विश्व अपांगता दिवसको अवसरमा गुल्मी जिल्ला समाज यूकेको १ डिसेम्बरमा च्यारिटी कार्यक्रम

कर्मभूमि बेलायत

Home
कर्मभूमि बेलायत
विश्व अपांगता दिवसको अवसरमा गुल्मी जिल्ला समाज यूकेको १ डिसेम्बरमा च्यारिटी कार्यक्रम

विश्व अपांगता दिवसको अवसरमा गुल्मी जिल्ला समाज यूकेको १ डिसेम्बरमा च्यारिटी कार्यक्रम

गोर्खा मिडिया संवाददाता बिहीबार, मंसिर १३, २०८१

लन्डन । ३१ औं विश्व अपांगता दिवसको अवसरमा गुल्मी जिल्ला समाज यूकेले आउँदो डिसेम्बर १ तारिखमा च्यारिटी कार्यक्रम आयोजना गर्ने भएको छ ।

मिडल्यान्डको मार्केट हारबरोस्थित हारबरो टाउन कम्युनिटी फुटबल ग्राउन्डमा अपांगता दिवस च्यारिटी गरिन लागेको गुल्मी जिल्ला समाज यूकेका अध्यक्ष रुद्र थापामगर जानकारी दिएका छन् । दिउँसो १ देखि साँझ ८ बजेसम्म निर्धारित कार्यक्रममा नेपालबाट आएका राष्ट्रियस्तरका कलाकारहरु गायक दीपक घर्तीमगर, गायिका रेजिना परियार र मोडल रुबिना अधिकारीले प्रस्तुति दिनेछन् । साथमा प्रथम नौमति बाजा गुल्मी यूकेको प्रस्तुति पनि रहनेछ।

कार्यक्रममा बेलायतस्थित विभिन्न नेपाली संस्था र समुदायका अभियन्ताहरु पनि आमन्त्रित छन्। च्यारिटी कार्यक्रमको संयोजन समाजका उपाध्यक्ष मुकुन्द खरालले गर्दैछन् भने सहसंयोजक कार्यसमिति सदस्य सुरेश केसी छन्।

च्यारिटी कार्यक्रममा सहभागिताको लागि २५ पाउण्डको टिकट राखिएको छ जसमा डिनर समेत उपलब्ध गराइनेछ।

अपांगता भएकाहरुलाई सहयोग गर्ने पवित्र उद्देश्यले हुन लागेको कार्यक्रममा सहयोग गर्न समाजका अध्यक्ष थापामगरले बेलायतस्थित सिंगो नेपाली समुदायलाई आह्वान गरेका छन् । गुल्मी जिल्ला समाज यूकेले विश्व अपांगता दिवसको अवसर पारेर विगत १३ वर्षदेखि बेलायतमा च्यारिटी कार्यक्रम आयोजना गर्दै आएको छ।

प्रकाशित मिति: बिहीबार, मंसिर १३, २०८१ ११:४५

प्रतिक्रिया दिनुहोस्