लन्डन । कास्की जिल्ला मादी गाउँपालिका वडा नं २ ताङतिङ गाउँ पुर्ख्यौली घर भई हाल बेलायतमा बसोबास गरिरहेका ताङतिङका नौचु पैंगीलम भाइखलक यूकेको प्रथम भेटघाट तथा चेलीबेटी भोज अनि सम्मान कार्यक्रम २०२४ भव्य रुपमा सम्पन्न भएको छ ।
हेम्पसायरको फ्लिटस्थित चर्च क्रुकहाम वार मेमोरियल हलमा सम्पन्न कार्यक्रममा उपस्थित दाज्यूभाइहरु र चेलीबेटीहरुले भरमुग्दर मनोरन्जन गरेका थिए । ताङतिङका नौचु पैंगीलम भाइखलक यूकेका अध्यक्ष क्याप्टेन गौबहादुर गुरुङ एमबीईको सभापतित्वमा सम्पन्न औपचारिक कार्यक्रमको सुरुवात चेलीबेटी तर्फबाट सबैभन्दा ज्येष्ठ चेली बत्तीमाया गुरुङ र भाइखलक आमा समूहको तर्फबाट श्रीमती गोपना गुरुङ, संरक्षक मेजर बालासिङ गुरुङ तथा सल्लाहकार आसबहादुर गुरुङले संयुक्त रुपमा दीप प्रज्वलन गरी औपचारिक कार्यक्रमको सुरु गरेका थिए ।
भाइखलकको यो पहिलो औपचारिक कार्यक्रम भएकोले ताङतिङका नौचु पैंगीलम भाइखलक यूकेको संरक्षक तथा नेपाल नौचु पैंगीलामा परिवारका अध्यक्ष मेजर बालासिंह गुरुङ एमबीईले नयाँ कार्यसमितिलाई खाता लगाई औपचारिक रुपमा बधाई दिएका थिए । लगत्तै ताङतिङका नौचु पैंगीलम भाइखलक यूकेको तर्फबाट उपस्थित छोरी ज्वाइँहरुलाई (चेलीबेटीहरु र ज्वाइँहरुलाई) खाता लगाई भव्य स्वागत गरिएको थियो ।
कार्यक्रममा रिभान चौर नाथु प्रल्हाद ङेह्रो पैंगीलामा भाइखलक यूकेको अध्यक्ष चकबहादुर गुरुङले भाइखलकको कार्यक्रममा उपस्थित हुन पाउँदा अति खुशी लागेको र नौचु पैगीलम ब्राण्डलाई बिश्वब्यापी बनाउनुपर्ने कुरा बताए । त्यस्तै, ताङतिङका नौचु पैंगीलम भाइखलक यूकेको संरक्षक मेजर बालासिंह गुरुले नौंचु पैगीलामाहरुको इतिहास छोटकरीमा प्रकाश पारेका थिए ।
कार्यक्रममा चेली पबित्र गुरुङ तथा ज्वाइँ हिमाल गुरुङको छोरा सुशान्त गुरुङ र छोरी श्रृष्टी गुरुङले "तेला तिया आकर्षक नृत्य गरेकी थिइन् भने भाइखलक सदस्य वीरेन्द्रजंग गुरुङ र छोरी प्रतिक्षा गुरुङले “छोरी मलाई भागी भागी नसताउ” भन्ने बोलको गीतमा ज्यादै मनोमहक अनि भावुक नृत्य प्रस्तुत गरेका थिए । साथै चेली सुलोचना गुरुङले “माइतीघर माइतीघर” बोलको गीतमा र बुहारी निता गुरुङले “अहा.. मनमा फुल्यो फुलै फूल” बोलको गीतमा नृत्य प्रस्तुत गरेकी थिइन् ।
कार्यक्रममा चेली योगा गुरुङले बाबा माइतीको प्रशंसा गर्दै आफैंले रचेको कविता वाचन गरेकी थिइन् र बाबा माइतीलाई धन्यवाद दिँदै चेलीबेटीहरुले ल्याएको कोसेली बाबामाइतीलाई हस्तान्तरण गरिएको थियो ।
औपचारिक कार्यक्रमको अन्त्यमा भाइखलकको अध्यक्ष क्याप्टेन गौबहादुर गुरुङ एमबीईले उपस्थित सबैलाई धन्यवाद दिँदै भाइखलकको पहिलो कार्यक्रमलाई ऐतिहासिक र सफल बनाउन प्रतक्ष्य अप्रत्यक्ष्य सहयोग गर्ने सम्पूर्ण कार्यसमिति सदस्य तथा भाइखलकहरु चेलीबेटीहरुलाई धन्यवाद अनि आभार प्रकट गरेका थिए ।
कार्यक्रममा रमाइलो चिठा पनि गरिएको थियो भने चर्चित गायिका कल्पना श्रीर्पालीले “ताङतिङको मेलैमा” र “यो दाज्युको मिरमिरे आँखैमा” जस्ता चर्चित गीत गाएर उपस्थित सबैलाई मनोरन्जन गराएकी थिइन् ।
औपचारिक कार्यक्रम भाइखलकको उपाध्यक्ष बखत गुरुङले संचालन गरेका थिए भने सांस्कृतिक कार्यक्रम भाइखलक वीरेन्द्रजङ गुरुङले गरेका थिए । कार्यक्रमको फोटोग्राफी तथा भिडियोमा मिडिया संयोजक प्रशान्त गुरुङ र चेली मनु गुरुङले संयुक्त रुपमा सहयोग गरेका थिए । प्राविधिकतर्फ प्रसिम गुरुङ तथा जोन गुरुङले सहयोग गरेका थिए ।
सम्पन्न कार्यक्रमको पूर्ण संयोजन (व्यवस्थापन) भाइखलकको महासचिव श्री तर्कजङ गुरुङ तथा निमित्त कोषाध्यक्ष गोपाल गुरुङले गरेका थिए ।
![पवित्रा गुरुङ : गायिका [तस्बिरहरु]](https://mail.gurkhamedia.com/uploads/posts/Pabitra-grg-1749667661.jpg)
