यूएईलाई हराउँदै नेपाल यू१९ महिला विश्वकपमा छनोट

खेलकुद

Home
खेलकुद
यूएईलाई हराउँदै नेपाल यू१९ महिला विश्वकपमा छनोट

यूएईलाई हराउँदै नेपाल यू१९ महिला विश्वकपमा छनोट

गोर्खा मिडिया संवाददाता बुधबार, कात्तिक २८, २०८१

काठमाडौँ । यूएईलाई हराउँदै नेपाल आईसीसी यू१९ महिला विश्वकपमा छनोट भएको छ ।

युएईको अजमानमा बुधबार भएको खेलमा घरेलु टोलीलाई ८ विकेटले पराजित गर्दै नेपालले विश्वकपमा स्थान बनाएको हो । विश्वकप १८ जनवरी २०२५ देखि २ फेब्रुअरीसम्म मलेसियामा हुनेछ ।

यूएईले दिएको ८४ रनको लक्ष्य नेपालले १४.२ ओभरमा २ विकेटको क्षतिमा पूरा गर्‍यो । नेपालका ओपनर सना प्रविनले ४२ बलमा नटआउट ३५ रन बनाइन् । कप्तान पूजा महतोले १८ बलमा २१ रनको योगदान दिइन् । साबित्री धामीले १२ रन बनाइन् । सोनी पाख्रीनले १९ बलमा नटआउट १३ रन जोडिन् ।

टस जितेर पहिले ब्याटिङ गरेको यूएईले निर्धारित २० ओभरमा ९ विकेट गुमाएर ८३ रन बनाएको थियो । यूएईका लागि कप्तान समाइरा धर्निधरकाले सर्वाधिक ३१ रन बनाइन् । त्यस्तै रिनिथा रञ्जितले २० रन बनाइन् ।

नेपालका लागि कृष्मा गुरुङले ४ ओभरमा १७ रन दिएर ४ विकेट लिइन् । रिया शर्मा र सीमा केसीले २-२ विकेट तथा रचना कुमारी चौधरीले १ विकेट लिइन् ।

प्रकाशित मिति: बुधबार, कात्तिक २८, २०८१ १८:२७

प्रतिक्रिया दिनुहोस्