नेपालका भूपेन्द्र गुरुङलाई अमेरिकामा दुई पदक

खेलकुद

Home
खेलकुद
नेपालका भूपेन्द्र गुरुङलाई अमेरिकामा दुई पदक

नेपालका भूपेन्द्र गुरुङलाई अमेरिकामा दुई पदक

गोर्खा मिडिया संवाददाता आइतबार, कात्तिक २५, २०८१

काठमाडौँ । ट्रेडिसनल चाइनिज मार्सल आट्‌स फेडरेसन, अमेरिकाद्वारा आयोजित १५औँ गोल्डेन ड्रागन च्याम्पियनशिपमा नेपालका भूपेन्द्र गुरुङले दुई रजत पदक प्राप्त गरेका छन् ।

अमेरिकाको क्यालिफोर्नियामा भएको उक्त प्रतियोगितामा भूपेन्द्रले दुई स्पर्धामा भाग लिएर दुई रजत प्राप्त गरेका हुन् । प्रतियोगितामा उनले ३६ वर्षमाथिको उमेर समूहमा ताइची र ट्रेडिसनल चाइनिज फम्सतर्फ प्रतिस्पर्धा गरेका थिए । प्रतियोगितामा विभिन्न ३० राष्ट्रका दुई सय ५० भन्दा बढी खेलाडीको सहभागिता रहेको थियो ।

भूपेन्द्रको यो पाँचौँ अन्तर्राष्ट्रिय पदक हो । यसअघि उनले विभिन्न तीन अन्तर्राष्ट्रिय प्रतियोगितामा तीन स्वर्ण पदक जितेका थिए । उनले सन् २०१८ मा जर्मनीमा भएको विश्व च्याम्पियनशिप, सन् २०१९ मा थाइल्यान्डमा भएको सातौँ, विश्व कुङ्फु च्याम्पियनशिप र सन् २०२२ मा बेलायतका भएको युरोपियन च्याम्पियनशिपमा स्वर्ण पदक जितेका थिए । सन् २०२२ मा भारतको लखनऊमा भएको १४औँ कुङ्फु च्याम्पियनशिपमा भूपेन्द्रले निर्णायकको भूमिका निर्वाह गरेका थिए ।

प्रकाशित मिति: आइतबार, कात्तिक २५, २०८१ २२:१६

प्रतिक्रिया दिनुहोस्