१. भानु तिम्रा रम्घा गाम, शहर बजार बसि सक्या
पक्की बाटो ल्याउनलाई, पाखा पखेरा खनि सक्या
सुन्दर पहाडको छाती चिरी, मोटर गाडी गुड्न थाल्या
बुकी पैयुँ फुल्ने भेकमा, धुवाँ धुलो उड्न थाल्या ।
२. भानु तिम्रा रम्घा गाम, झललल बिजुली आइ दिया
विकासले ल्याउँछ विकृति, डर मलाई लाइ सक्या
टेलिभिजन इन्टरनेट सबै, गाउँले ले पाई सक्या
कहिल्यै नसड्ने फोहरका रासले, घर आगनाँ छाइ सक्या ।
३. भानु तिम्रा रम्घा गाम, घरघर पानीका नाला आया
मौसम परिवर्तन असर अब, कहिल्यै नफर्कना भया
मुसलधारे पानी पर्ने, कैले खडेरीले सुक्खा हुने
सहनै नसक्नु गर्मी हुने, कहिले जाडोले मुटु कमाउने ।
४. भानु तिम्रा रम्घा गाम, दोकान पसल खुली सक्या
जन्तु जनावर मारेपछि, पाप लाग्ला भनी भुली सक्या
रासायनिक मलको चलनले, जैविक मल छर्न छाड्या
बारीका किरा फट्यांग्रा र खेतका गँड्यौला मर्न थाल्या ।
५. भानु तिम्रा रम्घा गाम, पुतली मौरी उडी सक्या
यार्सागुम्बा जडीबुटी, चोरी सिकारीले गोडी सक्या
पानी भर्ने पँधेरी अनि, घाँसीको कुवा सुकी सक्या
वासस्थानको विनाशले, बाघ भालु लुकी सक्या ।
६. भानु तिम्रा रम्घा गाम, पाटाका डल्ला फोडी सक्या
कुहू कुहू कोइली गीत, म त सुन्न छोडी सक्या
हिम शिखरका हिउँ पनि, कति छिटो पग्ली सक्या
डाँफे मुनाल नाच्दै गर्या, देख्न हाम्ले छोडी सक्या ।
७. भानु तिम्रा रम्घा गाम, जनसंख्या बाक्लो बसी सक्या
मानिसको अतिक्रमणले, गुनकेशरी मासी सक्या
दुई शताब्दी युग बित्या, भानु त्यहाँ जन्मेपछि
जलवायु परिवर्तन भया, तिम्ले रम्घा छोडेपछि।
८. पर्यावरण मास्ने काम, भाछन् त्यहाँ कस्तो-कस्तो
मानव हामी बुद्धिमानी भइकन, आज किन यस्तो ?
जैविक विविधता सप्पै मासेर, मान्छे बाँच्ने कसरी ?
धिक्कार हो हामी कन बस्नु, धरतीको लागि क्यै नगरि।
-1732408259.jpg)
-1732095969.jpg)
-1732504368.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://mail.gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
