‘दिल बस्यो साइँली रिसिङ कोटैमा’ लिएर आइन् निता

मनोरञ्जन

Home
मनोरञ्जन
‘दिल बस्यो साइँली रिसिङ कोटैमा’ लिएर आइन् निता

‘दिल बस्यो साइँली रिसिङ कोटैमा’ लिएर आइन् निता

गोर्खा मिडिया संवाददाता बिहीबार, असार ६, २०८१

काठमाडौँ । चर्चित गायिका निता गुरुङले नयाँ लोकदोहोरी गीत ‘दिल बस्यो साइँली रिसिङ कोटैमा’ बजारमा ल्याएकी छन् । ‘गोरखाली लोक भाका’ युट्युब च्यानलबाट सार्वजनिक गरिएको गीतमा नितासँगै राजु गुरुङ र विरु लामाको स्वर रहेको छ ।

शब्द गणेश गुरुङ तथा संगीत रेसम गुरुङ र हरि महतको रहेको छ । भिमु गुरुङ, रेजिना परियार र गणेश गुरुङले पनि आवाजमा साथ दिएका छन् ।

गीतको म्युजिक भिडियो सुन्दर बनेको छ । भिडियोमा मनोज गुरुङ र पवित्र गुरुङको अभिनय छ। निर्देशन/कोरियोग्राफर मनाङ गुरुङ तथा असिस्टेन्ट कोरियोग्राफर सन्तोषी गुरुङ रहेका छन् ।

सिनेमाटोग्राफर खेम थापामगर र सम्पादन मेकबहादुर थापाले गरेका छन् ।

सुमधुर आवाजकी धनी निताका यसअघि ‘माया भए सानु कुरा’, ‘माछी खोलीमा’, ‘बेँसी बेलघारी’, ‘सुनकोसी पूर्व पर्‍यो कि’, ‘पानीमाथि सकिन तैरिन’लगायत लोकदोहोरी तथा झ्याउरे गीतहरू बजारमा आएर चर्चा बटुलिसकेकी छन् ।