नेपाली व्यवसायीहरुले इंग्ल्यान्डको राजधानी विन्चेस्टर सिटीमा ‘कवि कफी’ सप सञ्चालनमा ल्याउनुभएको छ । रसमूर बोरो काउन्सिलका काउन्सिलर तथा बेलायतका लागि नेपाल पर्यटन प्रवर्द्धक धनबहादुर सार्की र १८ वर्षको अनुभव भएका विश्व नम्बर ४ लाट्टे च्याम्पियन धन तामाङले विनचेस्टरको मुटुमा कवि कफी सप सञ्चालनमा ल्याउनुभएको हो ।
नयाँ कवि कफी सप २४ मे २०२४ मा विनचेस्टर सिटी काउन्सिलका मेयर काउन्सिलर रसेल गोर्डन स्मिथले एक समारोहबीच उद्घाटन गर्नुभयो । करिब ५ लाख पाउन्डको लगानीमा स्थापना गरिएको कवि कफी सपमा एकै चरणमा १ सय ५० जना ग्राहकले सेवा दिन सक्ने सञ्चालकको भनाइ छ । कविको नामलाई विश्वमाझ चिनाउनका लागि कफी सपको नाम ‘कवि कफी’ राखिएको हो ।
तीन तले भवनमा खोलिएको कफी सप फराकिलो रहेको छ । सञ्चालक काउन्सिलर तथा भूतपूर्व गोर्खा धनबहादुर सार्कीसँग नयाँ व्यवसाय कवि कफी सपको सेरोफेरोमा गोर्खा मिडियाका मिलन तमुले गर्नुभएको कुराकानीको सारसंक्षेप :
भर्खरै 'कवि कफी' नयाँ व्यवसाय सुरु गर्नुभएको छ, यो क्षणको खुसी कसरी साट्नुहुन्छ ?
व्यवसाय सुरु गरिसकेपछि हाम्रा ग्राहकलाई कतिसम्म रिझाउन सकिन्छ । कत्तिको सन्तुष्ट बनाउन सकिन्छ । उहाँहरु खुसी हुनु भएमा नै मैले खुसी लिने हो । आजबाट व्यवसाय सुरु भएको छ । कस्टोमरहरु आउनुभएको छ । भीड छ । एकदमै खुसी लागिरहेको छ ।
'कवि कफी' को नयाँ विशेषता के-के छन्, बताइदिनुहोस् न ?
एउटा क्याफे, रेस्टुरेन्ट खोलेरमात्र बस्ने हाम्रो उद्देश्य होइन । कवि भनेको के हो ? ब्रान्डको काम गर्दैछौं । म सँगै धन तामाङ हुनुहुन्छ । उहाँ युकेको कफी वारिस्ट नेसनल च्याम्पियन हुनुहुन्छ । छ पटक नेसनल च्याम्पियन बन्नुभयो । सँगै विश्वस्तरका फाइनलिस्ट पनि हुनुहुन्छ । चारौं नम्बरमा पुग्नुभएको थियो । विनचेस्टरमा क्याफेमा सबैका लागि स्वागत गर्छौं । कवि फफीको पछाडिपट्टि खुला किचनको रेस्टुरेन्ट छ । त्यहाँ पनि कविले वेलकम गर्छ । जहाँ अर्डर गरेर खाना खान सक्नुहुन्छ । र, केही महिनाभित्रमा पहिलो तलामा वारिस्ट ट्रेनिङ दिने योजना बनाइरहेका छौं । धन तामाङ नै प्रशिक्षक हुनुहुन्छ । कफी नेपालमा पनि स्थापना गर्न हामीले कम्पनी दर्ता गरिसकेका छौं । कफी उमार्न फार्महरु खोल्ने काम हुँदैछ । कविको विचार नेपालमा कफी उमार्ने र युकेमा ल्याएर क्याफेमार्फत बेच्ने । साथै युकेभरि नै नेपालको कफी बिक्री वितरण गर्ने योजना छ ।
क्याफेको 'कवि' राख्नुको कारण चाहिँ के हो ?
कवि नाम राख्नेबारे धन तामाङजीको क्रियसन हो । नेपालमा महाकवि लक्ष्मीप्रसाद देवकोटा प्रसिद्ध हुनुहुन्थ्यो । उहाँलाई पछ्याएजस्तै हो हामीले । जुन किसिमले लक्ष्मीप्रसाद देवकोटाले कविता सिर्जना गरेर महाकवि पदवी पाउनुभयो । त्यसरी नै विश्वमा 'कवि'ले विश्वमा नाम कमाउनका लागि, ब्रान्ड बनाउनका लागि नेपालको कवि भन्ने शब्दलाई लिएर हामी अगाडि बढिरहेका छौं ।
कफी सपहरु थुप्रै छन्, यो कवि सपको फरकपन के के छन् ?
अन्य कफी सपहरु बाहिरी नक्कल गरेर खोलिएका हुन् । हाम्रो कवि सप आफ्नो ब्रान्ड हो । धन तामाङ आफै ब्रान्ड हुनुहुन्छ । हामीले अरु फ्रेन्चाइज किन्नु परेन । आफैंले ग्रो गर्ने भयौं । हामी आफैंले नै क्रियसन गरेर ग्राहकलाई अफर गर्न सक्ने भयौं ।
यो कवि सप विन्चेस्टरमै खोल्नुको मुख्य कारण के हो ? विन्चेस्टर एकदमै प्रतिस्पर्धी सहर हो । इंग्ल्यान्डको राजधानी नै विन्चेस्टर हो । यसलाई मिनी लन्डन भने हुन्छ । हामीलाई लन्डन पनि जान मन छ । धन तामाङले यहाँ विन्चेस्टरमा बिजनेस गर्नुभएको धेरै वर्ष भयो । उहाँ सानो उमेरदेखि नै विन्चेस्टरमा ग्रो हुनुभएको हो । उहाँको विन्चेस्टरमा पहिले नै १०/१२ वटा क्याफे थियो । अझै पनि ४/५ वटा छन् । त्यसलाई बाईबाई गरेर म सँगसँगै गरौं भन्नु भएर प्रस्ताव गर्नुभयो । म पनि एग्री भएर कविलाई विन्चेस्टरमा खोल्ने निर्णय भएको हो ।
कवि सपमा लगानीकर्ता को को हुनुहुन्छ ?
धन तामाङ र म धनबहादुर सार्की मात्रै छौं यसमा लगानीकर्ता । पछि सेयर सदस्यहरु थप्नु हुन्छ कि ? यही कविभित्र सेयर सदस्य थप्दैनौं होला । लगभग ४/५ वटा शाखा खोल्दासम्म सेयर बिक्री गर्दैनौं । विन्चेस्टरको पहिलो हो । अन्य शाखा पनि छिट्टै खोल्दैछौं ।
यो व्यवसाय फैलाउन कस्ता-कस्ता योजना बनाउनुभएको छ ?
बार्सिलोनाका फुटबल खेलाडीहरु पनि हामीसँग जोडिन आउनुभएको छ । उहाँहरुबाट मिलेर बिसनेज गर्छौं भनेर अफरहरु आउन थालेको छ । बार्सिलोनामै खोलौं भन्ने कुरा पनि भइरहेको छ । सेन्ट्रल लन्डनतिर पनि खोलौं भन्ने कुराकानी भइरहेको छ । ओपनिङमा नेपाली र यहाँका बेलायती स्थानीयको भेला भयो । अंग्रेजी र नेपाली सञ्चारमाध्यम पनि आएका छन् । जसले विस्तारै विस्तारै विज्ञापन हुँदै जानेछ ।
दैनिक, साप्ताहिक र महिनामा कत्तिको आम्दानी हुने अपेक्षा छ ?
सातामा कम्तीमा २० हजारदेखि २५ हजार पाउन्ड र महिनामा हन्ड्रेड थाउजेन्डस्को आशा गरेका छौं । सुरुआती चरणमा कति कर्मचारी राख्नु भएको छ ? हामीले अहिले १८ जना कर्मचारी राखेका छौं । म्यानेजर, जनरल म्यानेजर, सेफलगायत छन् ।
भावी योजनाहरु के छन् ? हामीले सेन्ट्रल लन्डनमा शाखा खोल्ने योजना बनाइरहेका छौं । यो वर्षको लक्ष्य विन्चेस्टर, स्पेन, नेपाल र लन्डनमा खोल्ने हो । विन्चेस्टरपछि अब स्पेन वा नेपाल कुनमा पहिले हुन्छ, छलफल भइरहेको छ ।
अन्त्यमा के भन्नुहुन्छ ?
विन्चेस्टरमा हामीले कवि कफी खोलेका छौं । हजुरहरुलाई स्वागत गर्न पाऔं । कार पार्क पनि नजिकै छ । आइदिनु होला । हेरिदिनु होला । कमेन्ट गरिदिनु होला । फुड र ड्रिङ्कलाई हामीले करेक्सन गर्न पाऔं ।
![निष्ठुरी दैव [कविता]](https://mail.gurkhamedia.com/uploads/posts/ratna-gurung-1744036920.jpg)
-1753031559.jpg)
![ब्रिगेड अफ गोर्खाज् भेला र नेपाल कप २०२५ सम्पन्न [तस्बिरहरु]](https://mail.gurkhamedia.com/uploads/posts/514783321_724763453672742_4654358564625962024_n-1751782941.jpg)
