लन्डन । तमु धीं युकेद्वारा आयोजित २२औँ गोर्खा कपको उपाधि ब्रिगेड ब्वाइज क्लब (बीबीसी)ले उचालेको छ ।
आइतबार अल्डरसटस्थित क्वीन्स एभिन्यु फुटबल मैदानमा भएको प्रतियोगितामा मुख्य टिमतर्फ वाटरमिलन एफसीलाई १-० गोलअन्तरले पराजित गर्दै बीबीसी च्याम्पियन बनेको हो । उपाधिसँगै बीबीसीले ३ हजार पाउन्ड, ट्रफी र प्रमाणपत्र प्राप्त गरेको छ ।
उपविजेता वाटरमिलनले १ हजार ८०० पाउन्ड, ट्रफी र चेक प्राप्त गर्यो । विजेता र उपविजेतालाई तमु धीं युकेका अध्यक्ष हरि गुरुङले प्रमाणपत्र, अतिथिबाट ट्रफी र प्रायोजकले चेक हस्तान्तरण गरेका थिए ।
यस्तै, भेट्रानतर्फ पनि बीबीसीकै टिम विजेता बन्यो । बीबीसीसँग १-० ले नै पराजित हुँदै धरान ११ एफसी उपविजेता बनेको छ । यस विधाको विजेताले १ हजार ५०० पाउन्ड र उपविजेताले १ हजार पाउन्ड पुरस्कार, प्रमाणपत्र र ट्रफी पाए ।
महिला विधातर्फ रन्डरबोल्टस एफसी विजेता र एमके लेडिज एफसी उपविजेता बने । रन्डरबोल्टस एफसी पनि पेनाल्टी सुटआउटमा १-० ले नै विजयी बनेको हो । यस विधामा दुई टिमले मात्र भाग लिएका थिए । उनीहरूले क्रमश: ६०० र ४०० पाउन्ड पुरस्कार, प्रमाणपत्र र ट्रफी प्राप्त गरे ।
बेलायतका नेपालीमाझ चर्चित यो प्रतियोगितामा मेनतर्फ ३२ र भेट्रानतर्फ १६ टिमको सहभागिता थियो । प्रतियोगितामा यस वर्ष मेनतर्फ ३२, भेटेरानतर्फ १६ र महिलातर्फ २ टिम गरी ५० टिम सहभागी भएका थिए ।
-1716791547.jpeg)
![निष्ठुरी दैव [कविता]](https://mail.gurkhamedia.com/uploads/posts/ratna-gurung-1744036920.jpg)
-1753031559.jpg)
![ब्रिगेड अफ गोर्खाज् भेला र नेपाल कप २०२५ सम्पन्न [तस्बिरहरु]](https://mail.gurkhamedia.com/uploads/posts/514783321_724763453672742_4654358564625962024_n-1751782941.jpg)
