यसरी मनायो बीसीसी युकेले २५६८ औं बुद्ध जयन्ती [फोटोफिचर]

कर्मभूमि बेलायत

Home
कर्मभूमि बेलायत
यसरी मनायो बीसीसी युकेले २५६८ औं बुद्ध जयन्ती [फोटोफिचर]

यसरी मनायो बीसीसी युकेले २५६८ औं बुद्ध जयन्ती [फोटोफिचर]

लन्डन । बुद्धिष्ट कम्युनिटी सेन्टर (बीसीसी) युकेले धार्मिक पूजापाठसहित २५६८ औं बुद्ध जयन्ती मनाएको छ । यही बिहीबार २३ मे २०२४ का दिन अल्डरसटस्थित एम्पायर हलमा विविध कार्यक्रमका साथ बुद्ध जयन्ती मनाइएको हो ।

काठमाडौं बौद्धस्थित सेचेन गुम्बाका श्रद्धेय हिज होलिनेश दिल्गो क्याब्जे खेन्चे याङ्सी रिन्पोछेको उपस्थितमा आयोजित कार्यक्रम बेलायतका लागि नेपाली राजदूत ज्ञानचन्द्र आचार्य, स्थानीय रस्मोर बोरो काउन्सिलका मेयर, काउन्सिलरले उद्घाटन गरेका थिए । विभिन्न धार्मिक, सामाजिक एवं परोपकारी संघसंस्थाका प्रतिनिधि, समाजसेवी, उद्यमी, व्यापारीलगायत भक्तजनहरुको सहभागिता रहेको थियो ।

दुई चरणमा आयोजना गरिएको कार्यक्रमका दिन बिहान अल्डरसटस्थित बीसीसी गुम्बामा गुम्बाका प्रमुख लामा खेन्पो कर्म छुल्त्रिम, लोपेन नोर्बु, लोपेन दावालगायत गुरुहरुले बुद्ध साधना पूजा गरेका थिए । बीसीसी युकेका उपाध्यक्ष एवं बुद्ध जयन्ती समारोह आयोजक समितिका संयोजक आङ्गदावा शेर्पाका अनुसार बुद्ध जयन्तीलाई सफलतापूर्वक सम्पन्न गर्नका लागि बीसीसी युकेको सिंगो कार्यसमिति, आमाहरु र सल्लाहकारहरु तयारीमा जुटेका थिए ।

बीसीसी युकेका अध्यक्ष हर्क गुरुङको अध्यक्षतामा सम्पन्न कार्यक्रमको अन्त्यमा हिज होलिनेश दिल्गो क्याब्जे खेन्चे याङ्सी रिन्पोछे रिन्पोछेले सहभागी भक्तजनहरुलाई हिज होलिनेश खेन्चे याङ्सी रिन्पोछेले आयुको (लङ्ग लाईफ) को विशेषता र महत्वबारे प्रवचन दिनुका साथसाथै आयुको अभिषेक (वाङ्ग) दिएका थिए ।