गोमा रानाको ‘सात समुन्द्रपारिबाट’ कवितासङ्ग्रह लोकार्पण

साहित्य

Home
साहित्य
गोमा रानाको ‘सात समुन्द्रपारिबाट’ कवितासङ्ग्रह लोकार्पण

गोमा रानाको ‘सात समुन्द्रपारिबाट’ कवितासङ्ग्रह लोकार्पण

गोर्खा मिडिया संवाददाता शुक्रबार, वैशाख ७, २०८१

तस्बिर सौजन्य: बीएफबीस गोर्खाको फेसबुक।

काठमाडौँ । कवि गोमा रानाको कवितासङ्‌ग्रह ‘सात समुन्द्रपारिबाट’ लोकार्पण भएको छ । ललितपुरको मानभवनस्थित बीएफबीएस रेडियोको स्वर्णिम संगम कार्यक्रमबाट शुक्रबार पुस्तक लोकार्पण गरिएको हो ।

पुस्तकमा ‘म खोजिरहेछु’सहित ७१ वटा कविता संग्रहित छन् । उनका श्रीमान् तथा मगर संघ युकेका निवर्तमान अध्यक्ष सुनिल राना पुस्तकको प्रकाशक रहेका छन् ।

समाजसेवा तथा पत्रकारिता गर्दै आएकी रानाले बीएफबीएस रेडियोमा ब्रुनाईमा रहेर पनि कार्यक्रम सञ्चालन गरेकी थिइन् । यस्तै, उनले रेडियो बीजीडब्ल्यूएसमा पनि काम गरेकी थिइन् ।

स्याङ्‌जाको गल्याङ नगरपालिका-३ मा जन्मिएको गोमाले पाल्पा बहुमुखी क्याम्पसबाट प्रमाणपत्र तह पास गरेकी थिइन् ।

हाल बेलायतको फानबोरोमा बस्दै आएकी गोमा फोनिज युकेको पूर्वअध्यक्ष, मगर संघ युकेको पूर्वट्रस्टी हुन् । यस्तै, उनी पत्रकार महासंघ बेलायत शाखामा पनि आबद्ध छिन् ।

प्रकाशित मिति: शुक्रबार, वैशाख ७, २०८१ १९:३७

प्रतिक्रिया दिनुहोस्