पुलिसको विजयी सुरुआत, गोर्खा मिडियाका प्रबन्ध निर्देशकद्वारा पुरस्कार हस्तान्तरण

खेलकुद

Home
खेलकुद
पुलिसको विजयी सुरुआत, गोर्खा मिडियाका प्रबन्ध निर्देशकद्वारा पुरस्कार हस्तान्तरण

पुलिसको विजयी सुरुआत, गोर्खा मिडियाका प्रबन्ध निर्देशकद्वारा पुरस्कार हस्तान्तरण

गोर्खा मिडिया संवाददाता शुक्रबार, माघ १२, २०८०

पोखरा । पोखरा रंगशालामा सर्वाधिक विजेता नेपाल प्रहरी क्लबले २३ औं आहा रारा पोखरा गोल्ड कपमा विजयी सुरुवात गरेको छ ।

शुक्रबार चौथो प्रिक्वाटरफाइनलमा सशस्त्र प्रहरीको एपिएफ क्लबलाई २–० गोलअन्तरले पराजित गर्दै क्वाटरफाइनलमा प्रवेश गरेको हो ।

सहारा क्लब पोखरा आयोजनामा जारी प्रतियोगिताको शुक्रबारको खेलमा पुलिसका लागि दुबै गोल मानबहादुर परियारले गरेका हुन् । खेलको १९ औं मिनेटमा प्रताप गुरुङको प्रहार सदुपयोग गर्दै हेडमार्फत गोलको खाता खोलेका हुन् । ७१ औं मिनेटमा उनले हेडमार्फत नै गोल गर्दै गोलअन्तर दोब्बर पारे । रिबाउण्ड बलमा उनले कत्ति पनि गल्ती नगरी विपक्षी पोस्टको जाली चुमाएका हुन् ।

नेपाल पुलिस क्याराभानदेखि आहारारा पोखरा गोल्डकपमा सर्वाधिक ६ पटकसम्मको विजेता हो । उसले अब १६ माघमा चर्च ब्वाइजको सामना गर्नेछ ।

म्यान अफ दि म्याच घोषित मानबहादुरलाई गोर्खा मिडियाका प्रबन्ध निर्देशक एवं सहारा युकेका मिडिया सेक्रेटरी मिलन तमुले नगद १० हजार पुरस्कार हस्तान्तरण गरे ।

422667172_683646433957233_5627459426944052489_n (1)1706293089.jpg

शनिबारदेखि क्वाटरफाइनलका खेल सुरु हुनेछन् । पाहुना टोली भुटानको पारो एफसी नेपाली ए डिभिजनको क्लब थ्रिस्टारबीच प्रतिस्पर्धा हुने आयोजकले जनाएको छ । थ्रि स्टारले उद्घाटन खेलमा आयोजकलाई २–१ ले स्तब्ध पारेको थियो।

प्रकाशित मिति: शुक्रबार, माघ १२, २०८० २३:५९

प्रतिक्रिया दिनुहोस्