नेपालको बारा जिल्लामा बस दुर्घटना, १५ जनाको मृत्यु

मातृभूमि नेपाल

Home
मातृभूमि नेपाल
नेपालको बारा जिल्लामा बस दुर्घटना, १५ जनाको मृत्यु

नेपालको बारा जिल्लामा बस दुर्घटना, १५ जनाको मृत्यु

गोर्खा मिडिया संवाददाता बिहीबार, असोज २०, २०७९

काठमाडौं । पूर्व–पश्चिम राजमार्गअन्तर्गत बाराको जितपुर सिमरा उपमहानगरपालिका–२२ बस दुर्घटना हुँदा १५ जनाको मृत्यु भएको छ । दुर्घटनामा मृत्यु हुनेमा नौ पुरुष र छ महिला रहेका छन् ।

चितवनको नारायणगढबाट विरगञ्जतर्फ गइरहेको बागमती प्रदेश ०६–००१ ख ०११० नम्बरको बस बिहीबार सडकमा अनियन्त्रित भइ दुर्घटना भएको हो । दुर्घटनामा ३६ जना घाइते भएको जिल्ला प्रहरी कार्यालय मकवानपुरका प्रहरी निरीक्षक बलराम श्रेष्ठले जानकारी दिए ।

गम्भीर घाइेतेको तीन जनाको उपचारका क्रममा हेटौँडा अस्पतालमा मृत्यु भएको हो । घाइतेको हेटौँडा अस्पताल, चुरेहिल अस्पताल र मकवानपुर सहकारी अस्पतालमा उपचार भइरहेको छ । घाइते केहीलाई थप उपचारका लागि चितवन लगिएको छ । मृतकको सनाखत हुन बाँकी छ ।

प्रकाशित मिति: बिहीबार, असोज २०, २०७९ १६:१०

प्रतिक्रिया दिनुहोस्