मनमाया र सागरको दोरोही भिडन्त हेर्न अल्डरसटमा ओइरिए बेलायतवासी [९ तस्बिरहरु]

कर्मभूमि बेलायत

Home
कर्मभूमि बेलायत
मनमाया र सागरको दोरोही भिडन्त हेर्न अल्डरसटमा ओइरिए बेलायतवासी [९ तस्बिरहरु]

मनमाया र सागरको दोरोही भिडन्त हेर्न अल्डरसटमा ओइरिए बेलायतवासी [९ तस्बिरहरु]

तस्बिरहरु : गोर्खा मिडिया

लन्डन । बेलायत भ्रमणमा रहेका लोक तथा दोहोरी क्षेत्रका चर्चित कलाकारद्वय मनमाया वाइबा तामाङ र सागर गुरुङको दोहोरी भिडन्त हेर्नका लागि बेलायतवासी नेपाली दर्शकहरु ओरिइएका छन् ।

यही अगस्ट ६ तारिख आइतबार अल्डरसटस्थित डे लाउन्ज रेस्टुरेन्टमा आयोजित दोहोरी धमाका साँझमा दर्शकको ओइरो लागेको हो । कार्यक्रममा कलाकारद्वयले एकल र दोहोरी गाउँदा दर्शक खुब रमाइरहेका देखिन्थे । कति त मञ्जमै गएर नाचे भने मनकारीहरुले कलाकारहरुलाई पाउन्डको फूल लाउन पनि भ्याएका थिए । कार्यक्रम मनमाया र सागरले नै मैनबत्ति बालेर उद्घाटन गरेका थिए ।

उक्त कार्यक्रम व्यवस्थापन फडकजित गुरुङ गोर्खा जिल्ला गुरुङ समाज युकेका निवर्तमान अध्यक्ष, धादिङ नुवाकोटका अध्यक्ष धनबहादुर तामाङ, भिम गुरुङ, गणेश गुरुङ, टकमाया गुरुङ र दिनेश गुरुङले गरेका थिए ।

बेलुकी साढे ६ बजेपछि सुरु भएको कार्यक्रमा नि:शुल्क प्रवेश दिएको थियो । गायिका वाइबा धादिङ नुवाकोट समाज युकेको निमन्त्रणामा गत मंगलबार २५ जुलाई मा लन्डन आएकी हुन् । उनी बेलायतमा २० दिन बस्ने बताएकी छन् । मनमायाले बेलायतवासीको अपारमाया पाइरहेको भन्दै खुसी व्यक्त गरेकी छन् । सागर भने चैत २४ अर्थात् अप्रिल ७ देखि बेलायतका विभिन्न सांगीतिक कार्यक्रमहरुमा प्रस्तुति दिइरहेका छन् ।