अरुणा शाहीः भलिबलको सफल कप्तान (९ तस्बिर)

खेलकुद

Home
खेलकुद
अरुणा शाहीः भलिबलको सफल कप्तान (९ तस्बिर)

अरुणा शाहीः भलिबलको सफल कप्तान (९ तस्बिर)

लन्डन । नेपाली राष्ट्रिय महिला भलिबलको ‘सफल कप्तान’ अरुणा शाही यतिखेर बेलायतमा छिन् । म्याग्दी प्रवासी नेपाली संघ (मोना) युकेको आयोजनामा पाँचौं मोना भलिबल प्रतियोगिता–२०२३ अवसर पारेर उनी म्याग्दी जिल्ला भलिबल संघका अध्यक्ष एवं भलिबल प्रशिक्षक तेजेन्द्र बानियाँसहित बेलायत आइपुगेकी हुन् ।

बाबु कुविर र आमा कर्णकुमारी शाहीको कोखबाट म्याग्दीमा जन्मेकी उनी २०६४ सालदेखि भलिबल खेल्न थालेकी हुन् । अरुणाले सुरुआतमा अन्तरविद्यालय जिल्लास्तरको टुर्नामेन्टमा भाग लिएको स्मरण गर्छिन् । निरन्तर मिहिनत र परिश्रममा विश्वास गर्ने अरुणाले जस्तोसुकै संघर्ष र चुनौती सहजै सामना गर्न सक्ने क्षमताकै कारण खेलबाटै लोभलाग्दो करियर विकास गरेकी छन् ।

356229839_932400884536502_3882252248414836109_n1688373128.jpg

अरुणाकै कप्तानीमा नेपालले २ वर्षअघि बंगलादेशमा सम्पन्न एशियन सेन्ट्रल जोन च्याम्पियनसिपमा उपाधि रक्षा गर्न सफल भएको थियो । उनी हालैमात्र नेपाल खेलकुद पत्रकार मञ्चले काठमाडौंमा गरेको बजाज पल्सर स्पोट्र्स अवार्ड–२०७८ मा अरुणा वर्ष महिला खेलाडी घोषित भएकी थिइन् । यस्तै, नेपाल खेलकुद पत्रकार मञ्च गण्डकीले पोखरामा आयोजना गर्दै आएको स्पोर्टस् अवार्डमा समेत अरुणा वर्ष खेलाडी घोषित भइसकेकी छन् । खेलमा लागेर सन्तुष्टि र दर्शकको माया पाएको बताउँदै यो प्राप्ति सिंगो खेलकुद क्षेत्रको भएको उनको भनाइ छ ।

सन् २०१४ मा नेपालमा भएको माल्दिभ्ससँगको मैत्रीपूर्ण खेलबाट राष्ट्रिय टोलीमा डेब्यु गरेपछि उनी त्यसपछि भने कहिल्यै पछाडि फर्केर हेर्नुपरेन । त्यससँगै भारतसँगको मैत्रीपूर्ण खेल, साउथ एशियन आमन्त्रण भलिबल च्याम्पियनसिप, एभिसी सेन्ट्रल जोन र १२ औं तथा १३ औं साग लगायत राष्ट्रिय–अन्तर्राष्ट्रियस्तरका प्रतियोगितामा प्राप्त उनको सफलता चिरकालसम्म यादगार रहने छन् ।

358000016_196555780047121_8157633491333617263_n1688373159.jpg