तारा श्रीस : गायिका/मोडल

मोडल

Home
मोडल
तारा श्रीस : गायिका/मोडल

तारा श्रीस : गायिका/मोडल

काठमाडौं । द भ्वाइस अफ नेपाल सिजन ३ मार्फत लाखौं दर्शक स्रोताको मनमुटुमा बस्न सफल गायिका तारा श्रीस मगरको जन्म वि.सं. २०४८ असार २३ गते हालको बागलुङ जिल्लाको जैमनी गाउँपालिका ९ केवैखानीमा भएको हो । बुवा बुद्धिमान र आमा माया श्रीस मगरको दोस्रो सन्तानको रुपमा जन्मिएकी ताराभित्र गाउँबेंसी, गोठालो, मेलापात र पधेंरो गर्दागर्दै गीत संगीतको भोक कतिखेर पलायो उनी आफैंलाई पत्तो भएन ।

गीत गाउन असाध्यै मन पर्ने भए पनि केटी मान्छेले गीत गाएको खासै मन नपाउने त्यत्तिबेलाको समाजमा खुलेर गाउन गाह्रै भयो उनलाई । कहिलेकाहीं भाइ र दिदीलाई साथमा लिएर गीत गाउँदै गर्दा आफ्नै बुबाको हातबाट एक/दुई लट्ठी पनि भेट्टाएकी ताराले कक्षा ९ मा पढ्दै गर्दा भने हिम्मत जुटाएरै स्कुलमै आयोजना भएको कार्यक्रममा गीत सुनाएर आफ्नो बुबालाई मात्रै होइन पूरै गाउँलाई नै लठ्ठ पार्ने गर्थिन् ।

'फूल सम्झे फूल तिमी' बोलको गीत गाएर व्यावसायिक गायन सुरु गरेकी उनले हालसम्म ५ सयभन्दा बढी गीतहरु रेकर्ड गराइसकेकी छन् । उनी मोडलिङ गर्न पनि सक्षम छिन् ।

Tara Shress 51663306683.jpg